دوحہ، 12 مئی (ہ س)۔ قطر نے اتوار کے روزلبنانی فوج کی آپریشنل صلاحیتوں کو مضبوط کرنے کے مقصد سے 62,000 ٹن ایندھن کی آخری کھیپ لبنان کی طرابلس بندرگاہ پر پہنچائی ۔ یہ ڈیلیوری سال 2025 کے لیے قطر فنڈ فار ڈویلپمنٹ کی جانب سے کیے گئے ایندھن کی تین کھیپوں میں سے آخری ہے۔
قطر نیوز ایجنسی (کیواین اے ) کے مطابق یہ امداد لبنانی فوج کی استعداد کار میں اضافے کے ساتھ ساتھ ملک کی سلامتی اور استحکام کے لیے فراہم کی گئی ہے۔ ایجنسی نے یہ بھی اطلاع دی ہے کہ یہ اقدام لبنانی عوام کے ساتھ قطر کی یکجہتی اور ملک میں دیرپا امن اور خوشحالی کو یقینی بنانے کے عزم کی عکاسی کرتا ہے۔
اس اسٹریٹجک اقدام کو علاقائی استحکام کی جانب ایک اہم کوشش قرار دیا جا رہا ہے، خاص طور پر ایسے وقت میں جب لبنان کو سیاسی اور اقتصادی چیلنجز کا سامنا ہے۔
لبنانی فوج کے ذرائع کے مطابق ایندھن کی یہ کھیپ براہ راست فوج کے مختلف آپریشنل کاموں جیسے گشت، مواصلات اور ہنگامی خدمات میں استعمال کی جائے گی، جس سے سرحدی سلامتی اور اندرونی امن کو برقرار رکھنے میں مدد ملے گی۔
ہندوستھان سماچار
ہندوستان سماچار / محمد شہزاد
