نئی دہلی، 10 مئی (ہ س)۔ نوواک جوکووچ سیزن کی اپنی پہلی کلے کورٹ جیت کی تلاش میں جنیوا اوپن میں اتریں گے۔ ٹورنامنٹ کے منتظمین نے جمعہ کو تصدیق کی ہے کہ سربیا کے اسٹار اس ٹورنامنٹ میں حصہ لیں گے، جو 17 سے 24 مئی تک جاری رہے گا۔ یہ فرنچ اوپن سے پہلے کھلاڑیوں کے لیے آخری وارم اپ ٹورنامنٹ ہے۔

چھٹے سیڈ جوکووچ نے اس سال کے یورپی کلے کورٹ سیزن میں ابھی تک کوئی جیت درج نہیں کی ہے۔ وہ مونٹی کارلو اور میڈرڈ اوپن میں جلد ہی باہر ہو گئے تھے۔ ان کا اب تک کا ریکارڈ 2-0 ہے۔ اس بار وہ اپنے کیریئر کا 100 واں خطاب جیتنے کے ارادے سے اتریں گے۔

جنیوا اوپن میں جوکووچ کو نمبر 4 ٹیلر فرٹز اور دفاعی چیمپئن کیسپر روڈ جیسے کھلاڑیوں کے چیلنجز کا سامنا کرنا پڑے گا۔ روڈ نے پچھلے چار ایڈیشنز میں سے تین میں خطاب جیتا ہے۔ دلچسپ بات یہ ہے کہ جوکووچ ایک بار پھر جنیوا میں اپنی 38ویں سالگرہ (22 مئی) منا سکتے ہیں۔

پچھلے سال جوکووچ کو سیمی فائنل میں ٹامس مچاک سے شکست ہوئی تھی اور پھر رولینڈ گیروس میں کوارٹر فائنل میں پہنچ گئے تھے۔ حالانکہ انہوں نے کیسپر روڈ کے خلاف میچ سے پہلے گھٹنے کی انجری کی وجہ سے دستبردار ہو گئے اور نتیجتاً نمبر 1 کی درجہ بندی سے محروم ہو گئے تھے۔

ہندوستھان سماچار

---------------

ہندوستان سماچار / انظر حسن