شنگھائی، 10 مئی (ہ س)۔ آرچری ورلڈ کپ اسٹیج -2 میں سنہری واپسی کرتے ہوئے مدھورا دھامنگاؤنکر نے ہفتہ کو یہاں امریکہ کی کارسن کریہے پر 139-138 سے شاندار جیت کے ساتھ اپنا پہلا انفرادی ورلڈ کپ طلائی کا تمغہ جیتا۔

مدھورا تین سال سے بین الاقوامی سطح پر مقابلہ نہ کرنے کے بعد عالمی تیر اندازی کی درجہ بندی میں بغیر کسی رینک کے ہیں۔ وہ تیسرے سیٹ کے بعد 81-85 سے پیچھے چل رہی تھیں لیکن 24 سالہ تیز انداز نے دباؤ میں غیر معمولی صبر کا مظاہرہ کیا اور تقریباً بنا کسی غلطی والے چوتھے سیٹ میں صرف ایک پوائنٹ کھو کر اسکور 110-110 پر برابر کر دیا۔

انہوں نے فیصلہ کن سیٹ میں دو پرفیکٹ 10 اور ایک 9 کے اسکور ساتھ اپنی ہمت قائم رکھی اور سنسنی خیز مقابلے میں کریہے کوایک پوائنٹ سے پیچھے چھوڑ دیا۔ اس مقابلے میں مدھورا کا یہ تیسرا تمغہ تھا۔ اس سے قبل، انہوں نے خواتین کے ٹیم ایونٹ میں چاندی اور ابھیشیک ورما کے ساتھ مکسڈ ٹیم ایونٹ میں کانسے کا تمغہ جیتا تھا، جو تین سال بعد بین الاقوامی تیر اندازی میں ان کی شاندار واپسی تھی۔ 24 سالہ مدھورا نے پہلے کبھی ورلڈ کپ کا تمغہ نہیں جیتا تھا، تین سال کے بعد واپسی کرتے ہوئے اس مقابلے میں دوسری بار شرکت کر رہی ہیں ۔ ان کی آخری موجودگی میڈیلن میں 2022 تیر اندازی عالمی کپ اسٹیج 4 میں ہوئی تھی۔

قبل ازیں، ہندوستانی کمپاؤنڈ تیر اندازوں نے ہفتہ کو یہاں آرچری ورلڈ کپ اسٹیج 2 میں ٹیم مقابلوں میں سونے، چاندی اور کانسے کے تمغے جیت کر شاندار کارکردگی کا مظاہرہ کیا۔ تمغہ جیتنے کی خاص بات ابھیشیک ورما، اوجس دیوتلے اور رشبھ یادو کی مردوں کی ٹیم کے ذریعہ جیتا گیاطلائی تمغہ رہا، جس نے ایک تناو بھرے فائنل میں میکسیکو کو 232-228 سے شکست دی۔

ہندوستان نے مضبوط آغاز کرتے ہوئے پہلے اینڈ میں تقریباً بنا کسی غلطی کے 59 پوائنٹس کے ساتھ 2 پوائنٹس کی برتری حاصل کی جبکہ میکسیکو نے 57 پوائنٹس حاصل کیے۔ دوسرے سرے پر، میکسیکو نے 58 پوائنٹس کے ساتھ واپسی کی جبکہ ہندوستان نے 56 پوائنٹس اسکور کرکے میچ کو 115-115 پر آدھے راستے پر برابر کردیا۔

تیسرے راؤنڈ میں، ہندوستان نے 58 اسکور کر برتری حاصل کی، جبکہ میکسیکو نے 57 کااسکور بنایا، جس سے ہندوستانیوں کو 173-172 کی معمولی برتری حاصل ہوئی۔

ہندوستانی تکڑی نے فائنل رأنڈ میں اپنا حوصلہ برقرار رکھا اور شاندار 59 کا اسکور بنا کر طلائی تمغہ جیت لیا جبکہ میکسیکو صرف 56 اسکور کر سکا۔

خواتین کے کمپاؤنڈ فائنل میں، جیوتی سریکھا وینم، مدھورا دھامنگاو¿نکر اور چکیتھا تانیپارتھی کی ٹیم نے میکسیکن کی مضبوط ٹیم سے 221-234 سے ہار کر چاندی کا تمغہ جیتا۔ یہ یک طرفہ میچ تھا لیکن ہندوستانی خواتین نے پورے ٹورنامنٹ میں اپنی طاقت دکھائی اور پوڈیم تک جگہ بنائی۔ تمغوں کے ٹیبل میں، ورما اور مدھورا کی ہندوستانی مکسڈ ٹیم نے تیسرے مقام کے پلے آف میں ملیشیا کو شکست دے کر کانسے کا تمغہ جیتا۔

ہندوستھا ن سماچار

ہندوستان سماچار / محمد شہزاد