نئی دہلی، 10 مئی (ہ س)۔ نیرج چوپڑا کلاسک 2025، جو 24 مئی کو بنگلورو کے سری کانتیراوا اسٹیڈیم میں ہونے والا تھا، موجودہ ہندوستان اور پاکستان کشیدگی کے پیش نظر غیر معینہ مدت کے لیے ملتوی کر دیا گیا ہے۔ منتظمین نے جمعہ کو یہ اعلان کیا۔

آرگنائزنگ کمیٹی نے کہا کہ یہ فیصلہ تمام جماعتوں کے ساتھ غور و خوض اور بات چیت کے بعد کیا گیا ہے۔ کھلاڑیوں، شراکت داروں اور وسیع تر کمیونٹی کی حفاظت کو ترجیح دی گئی ہے۔

نیرج چوپڑا کلاسک کی آرگنائزنگ کمیٹی نے اپنے بیان میں کہا، ہم کھیلوں کے اتحاد کی طاقت پر یقین رکھتے ہیں، لیکن اس نازک وقت میں قوم کے ساتھ کھڑا ہونا زیادہ ضروری ہے۔ ہماری پوری عقیدت اور جذبات اس وقت ہماری مسلح افواج کے ساتھ ہیں، جو ملک کے دفاع میں فرنٹ لائن پر ہیں۔

یہ مقابلہ ورلڈ ایتھلیٹکس گولڈ لیبل میٹ کا حصہ ہے۔ آرگنائزنگ کمیٹی نے کہا کہ اس باوقار ٹورنامنٹ کی نئی تاریخ کا اعلان جلد کیا جائے گا۔

ہندوستھان سماچار

---------------

ہندوستان سماچار / عبدالواحد