پالگھر ، 7 اپریل (ہ س)۔مہاراشٹر کے ضلع پالگھر

میں رام نومی کے موقع پر نکالی گئی موٹر سائیکل ریلی کے دوران مبینہ طور پر کچھ

نامعلوم افراد کی جانب سے انڈے پھینکے گئے، جس کے سبب علاقے میں کچھ دیر کے لیے

کشیدگی کا ماحول پیدا ہو گیا۔ پولیس نے اس واقعہ کے خلاف مقدمہ درج کر لیا ہے۔

پولیس

کے مطابق یہ واقعہ اتوار کو پیش آیا۔ اطلاع ملتے ہی مقامی پولیس فوری طور پر جائے

وقوعہ پر پہنچی اور حالات کو قابو میں لیا۔ اس واقعہ میں ملوث افراد کی شناخت کے

لیے تحقیقات جاری ہیں اور ایک شخص کو پوچھ گچھ کے لیے حراست میں لیا گیا ہے۔

رام

نومی کے موقع پر سکل ہندو سماج کی جانب سے ایک موٹر سائیکل ریلی نکالی گئی تھی جو

چیکھلڈونگری کے سرویشور مندر سے شروع ہو کر ویرار مغرب کے گلوبل سٹی میں واقع

پمپلیشور مندر کی طرف جا رہی تھی۔ ریلی میں تقریباً 100 سے 150 موٹر سائیکلیں، ایک

رسمی رتھ اور دو ٹیمپو شامل تھے جبکہ بڑی تعداد میں مقامی افراد نے اس میں شرکت

کی۔

پولیس

اہلکار نے بتایا کہ جب ریلی پمپلیشور مندر کے قریب پہنچی، تو سڑک کے ایک طرف موجود

چند موٹر سائیکل سواروں پر قریب ہی کی ایک عمارت سے مبینہ طور پر انڈے پھینکے گئے۔

اس حرکت سے ریلی میں شامل عقیدت مندوں میں ناراضگی پھیل گئی اور موقع پر کشیدگی

پیدا ہو گئی۔

بولنج

پولیس اسٹیشن کے اہلکاروں نے فوری طور پر جائے واقعہ پر پہنچ کر حالات کو سنبھالا

اور شرپسندوں کے خلاف بھارتیہ نیائے سنہتا کی دفعات کے تحت عوامی فساد اور مذہبی

جذبات کو ٹھیس پہنچانے کے الزام میں مقدمہ درج کر لیا۔ پولیس نے علاقے میں گشت اور

نگرانی میں اضافہ کر دیا ہے تاکہ کسی بھی ناخوشگوار واقعے سے بچا جا سکے۔

پولیس

نے عوام سے اپیل کی ہے کہ وہ پرامن رہیں اور سوشل میڈیا پر غیر مصدقہ اطلاعات یا

اشتعال انگیز مواد پھیلانے سے گریز کریں، تاکہ امن و امان برقرار رکھا جا سکے۔

ہندوستھان

سماچار

--------------------

ہندوستان سماچار / نثار احمد خان