جموں, 5 اپریل (ہ س). جموں و کشمیر پولیس نے ہفتہ کے روز بتایا کہ ڈوڈہ ضلع میں ایک مخصوص فرقے کے خلاف سوشل میڈیا پر حساس اور اشتعال انگیز مواد اپلوڈ کرنے والے شخص کے خلاف مقدمہ درج کرلیا گیا ہے۔پولیس ترجمان کے مطابق، مذکورہ شخص نے سوشل میڈیا پلیٹ فارم پر غیر ذمہ دارانہ اور فرقہ وارانہ ہم آہنگی کو متاثر کرنے والا مواد اپلوڈ کیا، جس پر قانونی کارروائی عمل میں لاتے ہوئے اس کے خلاف ایف آئی آر درج کی گئی ہے۔ قانون کے مطابق مزید کارروائی جاری ہے۔پولیس نے عوام سے اپیل کی ہے کہ وہ سوشل میڈیا پر غیر مصدقہ، اشتعال انگیز یا نفرت پھیلانے والے پیغامات، ویڈیوز اور پوسٹس کو شیئر یا فارورڈ کرنے سے گریز کریں، تاکہ علاقے میں امن و امان برقرار رکھا جا سکے۔قابل ذکر ہے کہ معاملے کی حساسیت کے پیش نظر بھدرواہ علاقے میں احتیاطی تدابیر کے طور پر انٹرنیٹ سروسز عارضی طور پر معطل کر دی گئی ہیں۔
ہندوستھان سماچار
---------------
ہندوستان سماچار / محمد اصغر
