نئی دہلی، 04 اپریل (ہ س)۔ سپریم کورٹ نے متھرا کے کرشن جنم بھومی کیس میں ٹرائل کورٹ سے ہائی کورٹ میں منتقل کی گئی تمام درخواستوں کو سماعت کے لیے قابل قبول ماننے کے الٰہ آباد ہائی کورٹ کے فیصلے کو چیلنج کرنے والی مسلم فریقوں کی طرف سے دائر درخواست پر نوٹس جاری کیا ہے۔ چیف جسٹس سنجیو کھنہ کی سربراہی والی بنچ نے اس معاملے سے متعلق اہم کیس کے ساتھ اس معاملے کی اگلی سماعت 8 اپریل کو کرنے کا حکم دیا۔
یکم اگست 2024 کو الہ آباد ہائی کورٹ نے متھرا کرشن جنم بھومی شاہی عیدگاہ تنازعہ کیس میں 18 عرضیوں کو سماعت کے لیے موزوں سمجھا۔ ہائی کورٹ نے ان 18 عرضیوں کو ایک ساتھ سننے کا مطالبہ بھی مان لیا تھا۔ ہندو فریق کی جانب سے دائر ان 18 درخواستوں میں متنازعہ مقام کو بھگوان کرشن کی جائے پیدائش قرار دیتے ہوئے اسے ہندوؤں کے حوالے کرنے کا مطالبہ کیا گیا ہے
---------------
ہندوستان سماچار / عبدالسلام صدیقی
