واشنگٹن،03 اپریل (ہ س)۔

ٹرمپ انتظامیہ میں سب سے طاقتور امریکی ارب پتی ایلون مسک کو محکمہ برائے حکومتی کارکردگی ( ڈی او جی ای) سے ہٹا دیا جائے گا۔ ایلون مسک کو صدر ڈونلڈ ٹرمپ کا سب سے قابل اعتماد شخص سمجھا جاتا ہے۔ انہوں نے ٹرمپ کی دوسری مدت کے صدارتی انتخابی مہم میں اہم کردار ادا کیا۔ منتخب ہونے کے بعد ٹرمپ نے ڈی او جی ای بنانے اور مسک کو اس کا سربراہ بنانے کا اعلان کیا تھا۔

امریکی ڈیجیٹل اخبار پولیٹیکو کی خبر کے مطابق ٹرمپ نے کابینہ کے ارکان سمیت اپنے قریبی لوگوں سے کہا ہے کہ ایلون مسک آنے والے ہفتوں میں اپنے موجودہ کردار سے سبکدوش ہو جائیں گے۔ اس پر ٹرمپ اور مسک کے درمیان بات چیت ہوئی ہے۔ اجلاس میں فیصلہ کیا گیا کہ مسک جلد ہی اپنی کاروباری دنیا میں واپس آجائیں گے۔

پولیٹیکو کا کہنا ہے کہ ٹرمپ کی کچن کیبنٹ میں شامل تین بااثر افراد نے نام ظاہر نہ کرنے کی شرط پر مسک کی ڈی او جی ای سے جلد ہی علیحدگی کی تصدیق کی۔

یہ خبر ڈیموکریٹک حمایت یافتہ امیدوار جج سوسن کرافورڈ کے وسکونسن اسٹیٹ سپریم کورٹ کی دوڑ جیتنے کے بعد سامنے آئی ہے۔ اس جیت کو صدر ٹرمپ اور ایلون مسک کے لیے سب سے بڑا دھچکا قرار دیا گیا ہے۔ مسک نے سوزن کو شکست دینے کے لیے بہت پیسہ خرچ کیا، پھر بھی وہ کامیاب نہ ہو سکا۔

ہندوستھان سماچار

ہندوستان سماچار / عطاءاللہ