نئی دہلی، 29 اپریل (ہ س)۔ آسٹریلیا کے دو بار کے گرینڈ سلیم ڈبلز چیمپئن میکس پورسل پر اینٹی ڈوپنگ قوانین کی خلاف ورزی پر 18 ماہ کی پابندی عائد کر دی گئی ہے۔یہ معاملہ کسی ممنوعہ چیز کا استعمال نہیں ، بلکہ ایک ”ممنوعہ طریقہ کار“ کے تحت آیا ہے۔

انٹرنیشنل ٹینس انٹیگریٹی ایجنسی (آئی ٹی آئی اے) نے منگل کو یہ معلومات دی۔ 27 سالہ پرسیل نے اعتراف کیا کہ انہوں نے نادانستہ طور پر100 ملی لیٹر کی مقررہ حد سے زیادہ وٹامن کی آئی وی ڈرپ لی تھی۔ قواعد کے مطابق، 12 گھنٹے کی مدت میں 100 ملی لیٹر سے زیادہ کا آئی وی انفیوژن ممنوع ہے۔ پرسیل نے کہا کہ انہوں نے کلینک کو مطلع کیا تھا کہ وہ ایک پیشہ ور کھلاڑی ہیں اور انفیوژن کو مقررہ مقدار سے زیادہ نہیں ہونا چاہیے، لیکن پھر بھی انہیں دو بار 500 ملی لیٹر سے زیادہ کا انفیوژن دیا گیا۔

آئی ٹی آئی اے کے مطابق، پرسیل نے تحقیقات میں مکمل تعاون کیا اور تمام معلومات شیئر کیں۔ اس وجہ سے ان کی سزا میں 25 فیصد رعایت دی گئی۔ آئی ٹی آئی اے کے سی ای او کیرن مور ہاو¿س نے کہا، ”یہ کیس ظاہر کرتا ہے کہ ڈوپنگ کے قوانین صرف ممنوعہ مادوں کے استعمال تک محدود نہیں ہیں، بلکہ موضوعات کی ایک بہت وسیع رینج کا احاطہ کرتے ہیں۔“

میکس پرسیل کو دسمبر 2023 میں ہی عارضی طور پر معطل کر دیا گیا تھا۔ ان کی باضابطہ سزا اب 11 جون 2026 تک رہے گی۔ اس عرصے کے دوران وہ کسی بھی ٹینس ٹورنامنٹ کھیلنے، کوچنگ یا شرکت کے لیے نااہل ہو ں گے۔

ہندوستھان سماچار

ہندوستان سماچار / محمد شہزاد