نئی دہلی، 02 اپریل (ہ س)۔ ساکیت سیشن کورٹ نے دہلی کے لیفٹیننٹ گورنر وی کے سکسینہ کی طرف سے دائر مجرمانہ ہتک عزت کے معاملے میں نرمدا بچاو¿ آندولن کی لیڈر میدھا پاٹکر کی سزا کو چیلنج کرنے والی درخواست کو خارج کر دیا ہے۔ ایڈیشنل سیشن جج وشال سنگھ نے مجسٹریٹ کورٹ کی طرف سے دی گئی سزا کی مدت اور جرمانے کی رقم کے معاملے کی سماعت 8 اپریل کو کرنے کا حکم دیا۔ میدھا پاٹکر کو 8 اپریل کو عدالت میں طلب کیا گیا ہے۔

سیشن جج نے 4 مارچ کو فیصلہ محفوظ کر لیا تھا۔ سماعت کے دوران وی کے سکسینہ کی طرف سے پیش ہونے والے وکیل نے عدالت سے استدعا کی تھی کہ وہ میدھا پاٹکر کو خودسپردگی کا حکم دے، یہ کہتے ہوئے کہ پاٹکر کی درخواست سماعت کے قابل نہیں ہے۔ انہوں نے کہا تھا کہ اسے مسترد کر دینا چاہیے کیونکہ میدھا پاٹکر کے دستخط عرضی پر نہیں ہیں۔میدھا پاٹکر نے جوڈیشل مجسٹریٹ کی طرف سے دی گئی پانچ ماہ قید اور 10 لاکھ روپے جرمانے کی سزا کو سیشن کورٹ میں چیلنج کیا تھا۔ جوڈیشل مجسٹریٹ نے یکم جولائی 2024 کو میدھا پاٹکر کو سزا سنائی تھی۔جوڈیشل مجسٹریٹ کورٹ نے کہا تھا کہ اس معاملے میں زیادہ سے زیادہ سزا دو سال ہے لیکن میدھا پاٹکر کی صحت کو دیکھتے ہوئے پانچ ماہ کی سزا سنائی گئی ہے۔

ہندوستھان سماچار

ہندوستان سماچار / Mohammad Khan