جالنہ، 2 اپریل (ہ س)۔

مہاراشٹر کے جالنہ ضلع میں ایک 13 سالہ لڑکے کو 41

سالہ خاتون کے قتل کے الزام میں گرفتار کیا گیا ہے۔ پولیس کے مطابق، یہ واقعہ 25

مارچ کو تحصیل جالنہ کے گاؤں انتروالی ٹیمبھی میں پیش آیا، جہاں میرا عرف سندھیا

بوندارے کو اس کے کھیت میں سفاکی سے قتل کر دیا گیا۔

تحقیقات کے دوران معلوم ہوا کہ مقتولہ نے چند روز

قبل ایک نوعمر لڑکے کو ڈانٹا تھا کیونکہ وہ ایک پانی کے چینل میں رکاوٹ ڈال رہا

تھا، جس کے باعث اس کے کھیت کو پانی نہیں مل رہا تھا۔ اس تلخ کلامی کے دوران خاتون

نے غصے میں آ کر لڑکے کا موبائل فون پانی میں پھینک دیا، جس پر وہ شدید برہم ہو

گیا۔

انتقامی جذبے کے تحت، 25 مارچ کی دوپہر جب خاتون

اپنے کھیت میں آرام کر رہی تھی، تو لڑکے نے موقع کا فائدہ اٹھاتے ہوئے اس کے سر پر

بھاری پتھر دے مارا، جس سے وہ موقع پر ہی دم توڑ گئی۔ پولیس نے معاملے کی تحقیقات

کے دوران شواہد اکٹھے کیے اور جب لڑکے سے سختی سے پوچھ گچھ کی گئی تو اس نے قتل کا

اعتراف کر لیا۔

پولیس نے لڑکے کو حراست میں لے لیا ہے اور قانونی

کارروائی کے تحت اسے جووینائل جسٹس بورڈ کے سامنے پیش کیا جائے گا۔ حکام کا کہنا

ہے کہ کم عمری کے باوجود، یہ ایک سنگین جرم ہے اور اس کیس میں تمام قانونی پہلوؤں

کو مدنظر رکھا جائے گا۔

ہندوستھان

سماچار

--------------------

ہندوستان سماچار / نثار احمد خان