نئی دہلی، 19 اپریل (ہ س)۔

ہندوستان نے دبئی میں منعقدہ برج فیڈریشن آف ایشیا اینڈ مڈل ایسٹ چمپئن شپ میں شاندار کارکردگی کا مظاہرہ کیا اور تین طلائی تمغے اور ایک چاندی کا تمغہ جیتا۔ 10 سے 18 اپریل تک جاری رہنے والے اس ٹورنامنٹ میں ہندوستانی ٹیموں نے مردوں، خواتین اور سینئر زمروں میں سونے کے تمغے جیتے جبکہ مکسڈ ٹیم نے چاندی کا تمغہ حاصل کیا۔ اس کامیابی کے ساتھ، چاروں ہندوستانی ٹیموں نے ڈنمارک میں منعقد ہونے والی ورلڈ برج چیمپئن شپ 2025 کے لیے کوالیفائی کر لیا ہے۔دبئی میں ہونے والے اس ٹورنامنٹ میں 9 ممالک کی 25 ٹیموں نے حصہ لیا۔ ہندوستانی مردوں کی ٹیم میں سمیت مکھرجی، راجیشور تیواری، ساگنک رائے، کوستبھ نندی، کوستبھ ملند بیندرے اور سیانتن کشاری شامل تھے۔ دیباشیش رے نے کوچ اور نان پلیئنگ کپتان کا کردار ادا کیا۔

خواتین کی طرف سے پوجا بترا، آشا شرما، بندیا کوہلی، پریا بالاسوبرامنیم، بھارتی ڈے اور الکا ایم کشر ساگر نے گولڈ میڈل جیتا ہے۔ کوچ اور نان پلیئنگ کپتان اروند ویدیا تھے۔

سینئرز ٹیم میں رام رتنم کرشنن، بی پربھاکر، بچیراجو ستیہ نارائنا، جگی بی شیوداسانی، سبھاش گپتا اور روی گوئنکا نے کامیابی حاصل کی۔ کوچ گریش بجور نے ٹیم کی رہنمائی کی۔

مکسڈ ٹیم نے بھی عمدہ کارکردگی کا مظاہرہ کرتے ہوئے چاندی کا تمغہ حاصل کیا۔ اس ٹیم میں راجیو کھنڈیلوال، ہمانی کھنڈیلوال، رانا رائے، شیتل بنسل، پریارجن سنہا اور بندیا نائیڈو شامل تھے۔ کوچ ونے دیسائی تھے۔اب ہندوستانی ٹیمیں ڈنمارک میں ہونے والی عالمی چمپئن شپ میں ٹکرائیں گی۔47ویں ورلڈ برج چمپئن شپ 2025 20 سے 31 اگست تک ڈنمارک کے شہر ہرننگ میں منعقد ہوگی۔ جس میں بھارت سمیت 35 ممالک کی 66 ٹیمیں حصہ لیں گی۔ عالمی چیمپئن شپ میں برمودا باو¿ل، وینس کپ، ڈی اورسی ٹرافی اور ووہان کپ جیسے باوقار ایونٹس ہوں گے۔ٹیم کے چیف ڈی مشن اور سابق بین الاقوامی کھلاڑی دیباشیش رے نے اس کامیابی پر خوشی کا اظہار کرتے ہوئے کہا کہ دبئی میں یہ ہمارے لیے کلین سویپ تھا، لیکن ڈنمارک میں مقابلہ اس سے بھی زیادہ سخت ہوگا، ہمیں اگلے 3-4 ماہ میں اپنی تیاریوں کو مضبوط کرنا ہوگا۔ انہوں نے یہ عندیہ بھی دیا کہ ورلڈ چیمپئن شپ کے لیے کوچز کی رپورٹ کی بنیاد پر ٹیم میں کچھ تبدیلیاں ممکن ہیں۔برج کے کھیل کو وزارت کھیل اور اسپورٹس اتھارٹی آف انڈیا (SAI) سے مسلسل تعاون مل رہا ہے۔ 2017 سے، وزارت کی اے سی ٹی سی اسکیم کھلاڑیوں کے تربیتی کیمپوں، بیرون ملک مقابلوں، کوچنگ اور آلات کے اخراجات کا احاطہ کرتی ہے۔ پچھلے تین سالوں میں اس کھیل پر سالانہ اوسطاً 2.55 کروڑ روپے خرچ ہوئے ہیں۔

ہندوستھان سماچار

ہندوستان سماچار / Mohammad Khan