واشنگٹن،یکم اپریل(ہ س)۔

امریکی فضائیہ نے یمنی دارالحکومت صنعا میں حوثیوں کے زیر کنٹرول الدلیمی ایئر بیس پر فضائی حملے کیے ہیں۔العربیہ اور الحدث کے ذرائع نے اطلاع دی ہے کہ تین امریکی فضائی حملوں نے الدیلمی اڈے پر حوثیوں کے ہتھیاروں کے ذخیروں کو نشانہ بنایا۔ ادھر حوثی میڈیا کا کہنا ہے کہ امریکی بمباری نے دارالحکومت صنعا کو نشانہ بنایا۔العربیہ اور الحدث کے نامہ نگاروں نے صنعاءکے اوپر امریکی طیاروں کی مسلسل پرواز کی اطلاع دی۔نامہ نگاروں نے کہا کہ شہر کا ایک بڑا حصہ بجلی سے محروم ہے۔

اس سے قبل پیر کو امریکی سینٹرل کمانڈ (سینٹ کام) کے ایک ذریعے نے العربیہ اور الحدث کے واشنگٹن کے بیورو چیف کو بتایا تھا کہ امریکی فوج یمن میں روزانہ کی بنیاد پر ایران کے حمایت یافتہ حوثیوں کے متعدد ٹھکانوں پر حملے کرتی ہیں۔ذرائع کے مطابق یہ کارروائیاں حوثی قیادت اور صلاحیتوں کو کمزور کرنے، انہیں جنوبی بحیرہ احمر، باب المندب اور خلیج عدن میں تجارتی جہاز رانی میں رکاوٹ ڈالنے اور خطے کو خطرے میں ڈالنے کے لیے ڈیزائن کی گئی ہیں۔امریکی لڑاکا طیاروں نے یمنی دارالحکومت صنعا اور عمران گورنری میں حوثیوں کے ٹھکانوں اور بیرکوں پر اتوار کی رات سے پیر تک اپنے شدید فضائی حملے شروع کیے۔العربیہ اور الحادث چینلز کے ذرائع نے صنعاءمیں حوثیوں کے ٹھکانوں پر راتوں رات نئے امریکی فضائی حملوں کی تصدیق کی ہے، جس میں یمنی دارالحکومت کے مشرق میں صراف کے علاقے کو نشانہ بنایا گیا ہے۔ ذرائع نے یہ بھی اطلاع دی ہے کہ امریکی بمباری میں عمران گورنری میں 310 ویں بریگیڈ کے ہیڈکوارٹر پر حوثیوں کے ٹھکانوں کو بھی نشانہ بنایا۔

اس سے قبل اتوار کو حوثی میڈیا نے دارالحکومت صنعاءکے مشرق میں واقع ضلع بنی حشیش میں صراف اور المالکیہ کے علاقوں کو نشانہ بناتے ہوئے 17 امریکی فضائی حملوں کی اطلاع دی۔ دارالحکومت صنعا کے شمال میں واقع ضلع بنی الحارث کے علاقے جدر کو بھی چار فضائی حملوں نے نشانہ بنایا۔ذرائع کے مطابق مسلسل اور شدید فضائی حملوں کے درمیان صنعاءکے شمال مشرق میں صراف کے علاقے میں حوثیوں کے زیر کنٹرول الخرافی کیمپ اور قومی سلامتی کے ہیڈکوارٹر کو مسلسل فضائی حملوں میں نشانہ بنایا گیا۔العربیہ کے ایک نامہ نگار نے بتایا کہ امریکی بمباری میں صنعا میں حوثیوں کے بڑے کیمپوں کو نشانہ بنایا گیا۔صنعا میں الخرافی کیمپ اور صراف میں قومی سلامتی کی عمارت کو بھی نشانہ بنایا گیا۔العربیہ اور الحدث چینلز کے ذرائع نے تصدیق کی ہے کہ حملوں میں زیر زمین حوثی ہتھیاروں کے ذخیروں کو نشانہ بنایا گیا۔ایک اسرائیلی اہلکار نے کہاکہہمارے اور امریکہ کے حملوں سے حوثیوں کے میزائلوں کے ذخیرے میں شدید کمی آئی ہے۔ انہوں نے مزید کہا کہ حوثیوں کے پاس اب صرف چند درجن میزائل اور لانچرز ہیں۔

ہندوستھان سماچار

ہندوستان سماچار / Mohammad Khan