تلنگانہ کے ضلع ہنمکنڈہ میں سڑک حادثہ، پادری ہلاکحیدرآباد، 25 مارچ (ہ س)۔ تلنگانہ کے ضلع ہنمکنڈہ میں پیش آئے سڑک حادثہ میں پادری ہلاک ہوگیا۔ اس کی شناخت 55 سالہ کروناکر کے طورپر کی گئی ہے۔ یہ حادثہ کریم نگر۔ورنگل ہائی وے کی گوپال پورکراسنگ کے قریب منگل کی صبح کی اولین ساعتوں میں اُس وقت پیش آیا جب لاری نے کروناکر کی کار کو ٹکر دے دی۔ پولیس کو کار سے پادری کی لاش نکالنے کے لیے کئی گھنٹے تک جدوجہد کرنی پڑی۔ پولیس کے مطابق، کروناکر، جو کریم نگر ضلع کے ایک چرچ میں پادری تھا، ہنمکنڈہ سے کریم نگرجارہاتھا۔چونکہ سڑک کی تعمیر کا کام جاری تھا، اس لیے اس نے حسن آباد روڈ کے راستے سے جانے کا فیصلہ کیا۔ راستے میں، گوپال پور کراسنگ کے قریب ایک ٹرک نے اس کی کار کو ٹکر ماردی۔ راہگیروں نے فوری طور پر پولیس اور ایمبولینس کو اطلاع دی۔ حکام کو لاش نکالنے میں ایک گھنٹے سے زیادہ کا وقت لگا۔ پولیس کو شبہ ہے کہ ٹرک ڈرائیور کی لاپرواہی کے باعث یہ حادثہ پیش آیا۔ ہندوستھان سماچار

ہندوستان سماچار / محمدعبدالخالق