نئی دہلی، 23 مارچ (ہ س)۔

دہلی اسمبلی کا بجٹ اجلاس پیر کو صبح 11:00 بجے پرانے سکریٹریٹ میں واقع ودھان سبھا کی عمارت میں شروع ہوگا۔ یہ سیشن آنے والے مالی سال کے لیے مالیاتی پالیسیوں اور ترقیاتی روڈ میپ کے تعین کے لیے انتہائی اہم ہے یہ سیشن 28 مارچ تک جاری رہے گا اور ضرورت پڑنے پر اسے بڑھایا جا سکتا ہے۔

اسمبلی اسپیکر وجیندر گپتا نے کہا کہ ڈی ٹی سی کے کام کاج پر سی اے جی کی رپورٹ بجٹ اجلاس میں ایوان میں پیش کی جائے گی۔ یہ سی اے جی کی تیسری رپورٹ ہوگی، جو 24 مارچ کو ایوان میں پیش کی جائے گی۔ مالی سال 2025-26 کا بجٹ 25 مارچ کو پیش کیا جائے گا۔ بجٹ پر 26 مارچ کو بحث ہوگی۔ بجٹ کی منظوری 27 مارچ کو اسمبلی میں دی جائے گی۔ پرائیویٹ بلز اور قراردادوں پر 28 مارچ کو بحث کی جائے گی۔

سپیکر اسمبلی نے تمام اراکین سے ایوان کے وقار کو برقرار رکھنے اور قواعد پر عمل کرنے کی درخواست کی ہے۔ 24، 26، 27 اور 28 مارچ کو وقفہ سوالات کا انعقاد کیا جائے گا جس میں وزراءارکان کے سوالات کے جوابات دیں گے۔ کوئی بھی رکن کارروائی سے ایک دن پہلے شام 5 بجے تک عوامی اہمیت کا مسئلہ اٹھانے کے لیے نوٹس دے سکتا ہے۔ ہر روز بیلٹ کے عمل کے ذریعے منتخب کیے گئے 10 عنوانات پر تبادلہ خیال کیا جائے گا۔ نجی قراردادوں پر 28 مارچ 2025 کو بحث کی جائے گی جس کے لیے 12 دن پہلے نوٹس دینا ضروری ہو گا۔

ہندوستھان سماچارمحمدخان

ہندوستان سماچار / Mohammad Khan