علی گڑھ، 21 مارچ (ہ س) ۔

سر سید فاؤنڈیشن کی جانب سے اے ایم یو اولڈ بوائز لاج میں شاندار سالانہ اجتماعی افطار کا انعقاد کیا گیا جس میں شہر اور یونیورسٹی کے معززین نے بڑی تعداد میں شرکت کی۔ تنظیم کے صدر ا ے ایم یو کے طالب علم نوید عالم نے بتایا کہ سر سید فاؤنڈیشن (SSF) نے اپنے شاندار سالانہ اجتماعی افطار کا کامیابی کے ساتھ انعقاد کیا ہے، جس میں یونیورسٹی کے ممتاز پروفیسرز، سینئر طلبہ اور معزز مہمانوں نے شرکت کی۔ نوید عالم نے تمام معزز مہمانوں کا دل کی گہرائیوں سے شکریہ ادا کیا اور ان کی قیمتی موجودگی اور تعاون پر اظہارِ تشکر کیا، جس نے اس تقریب کو خاص طور پر یادگار بنا دیا۔ انہوں نے ایسے اجتماعات کے ذریعے یکجہتی اور بھائی چارے کو فروغ دینے کی اہمیت پر زور دیا، جو یونیورسٹی کمیونٹی کے درمیان تعلقات کو مزید مستحکم کرتے ہیں۔

روزہ افطار میں تشریف لائے اے ایم یو کے موسیقی کے استاد جانی فوسٹر نے کہا کہ یہ تقریب اتحاد اور بھائی چارے کی ایک خوبصورت مثال بن گئی، جہاں اے ایم یو برادری کے افراد نے رمضان المبارک کی روحانی فضیلت کو منانے کے لیے ایک ساتھ وقت گزارا۔ یہ بابرکت محفل تشکر اور محبت کے جذباتکے ساتھ اختتام پذیر ہوئی ہے، جس نے اس فاؤنڈیشن کے کمیونٹی اور یکجہتی کو فروغ دینے کے عزم کو مزید مضبوط کیا۔

اس خصوصی موقع پر شرکت کرنے والے نمایاں افراد میں شامل تھے پروفیسر ایس. ایم. جاوید اختر (سابقہ فنانس آفیسر، اے ایم یو)، پروفیسر آدم ملک (پرووسٹ، سر سید ہال نارتھ)، پروفیسر ضیاء الرحمن (چیئرمین، شعبہ فارماکولوجی، جے این ایم سی ایچ)، ڈاکٹر غفران (سابقہ پرووسٹ، علامہ اقبال ہال)، جناب ایوب شاہ (سابقہ سیکرٹری، اے ایم یو ایس یو)، انجینئر نواب ثاقب ابراہیم (ڈائریکٹر، امیج کلاسز)، اسسٹنٹ پروفیسر ڈاکٹر ریاض احمد، ڈاکٹر منصور، اسکول کے اساتذہ، میڈیا ریسورس اسٹاف، متعدد سینئر طلبہ اور یونیورسٹی کمیونٹی کے دیگر معزز ارکان موجود رہے۔نوید عالم نے نیورسٹی انتظامیہ، اولڈ بوائز لاج، اور محنتی ٹیم ممبران کا خصوصی شکریہ ادا کیا، جن کی انتھک محنت نے اس تقریب کو کامیاب بنایا۔ انہوں نے خاص طور پر ڈاکٹر سید کلیم اے زیدی (چیئرمین)، ڈاکٹر محمد کافی (ڈائریکٹر)، ڈاکٹر ریحان خان (کوآرڈینیٹر)، محمد کامران (ایم آئی سی)، محمد عظیم (او ایس ڈی)، فیض الرحمٰن شیروانی (سیکریٹری)، سید الرحمٰن (وائس پریزیڈنٹ)، ریاض احمد (کنوینر)، حسن مصطفیٰ، داؤد، فرحان، فہد، انس اور دیگر ممبران کی خدمات کو سراہا، جنہوں نے اس افطار کو یادگار بنانے میں کلیدی کردار ادا کیا۔

---------------

ہندوستان سماچار / سید کامران علی گڑھ