نئی دہلی، 12 مارچ (ہ س)۔ اٹلی میں جاری اسپیشل اولمپکس ورلڈ ونٹر گیمز 2025 میں ہندوستانی دستے نے اپنی مہم کا شاندار آغاز کیا ہے۔ پہلے ہی دن ہندوستان نے کل چار تمغے جیتے جن میں دو طلائی اور دو چاندی کے تمغے شامل ہیں ۔ ہندوستانی کھلاڑیوں نے اپنی صلاحیتوں اور عزم کا مظاہرہ کیا اور ملک کا نام روشن کیا۔

اسنو بورڈنگ میں ہندوستان کا جلوہ

ہندوستانی ایتھلیٹس نے منگل کو بارڈونیکیا میں اپنے تمام چھ کھیلوں میں حصہ لیا، لیکن دن کا واحد تمغہ حاصل ہونے والا ایونٹ اسنو بورڈنگ رہا۔ اس ایونٹ میں بھارتی اور سمیر نے اپنے -اپنے زمروں میں گولڈ میڈل جیت کر ملک کا نام روشن کیا۔ ہیم چند اور ہرشیتا ٹھاکر نے اپنے ڈویژن کے نوویس جائنٹ سلالم فائنل میں شاندار کارکردگی کا مظاہرہ کیا اور چاندی کا تمغہ حاصل کیا۔

49 رکنی دستہ کر رہا ہے ہندوستان کی نمائندگی

ہندوستان نے اس باوقار ٹورنامنٹ کے لیے 49 رکنی دستہ بھیجا ہے جس میں 30 کھلاڑی اور 19 معاون عملہ شامل ہے۔ اس ٹورنامنٹ میں 102 ممالک کے تقریباً 1500 کھلاڑی حصہ لے رہے ہیں۔ ایونٹ کا بنیادی مقصد کھیلوں کے ذریعے شمولیت اور نمائندگی کو فروغ دینا ہے۔

چار شہروں میں منعقد ہو رہے ہیں کھیلوں کے مقابلے

اس مقابلے کے آٹھ کھیلوں کا انعقاد چار مختلف مقامات پر کیا جا رہا ہے۔ ٹیورن میں اسپیڈ اسکیٹنگ اور فلور بال کے مقابلے ہو رہے ہیں۔سیسٹریئر میں ا سنو شوئنگ اور الپائن اسکیئنگ کا انعقاد کیا جا رہا ہے، جبک بارڈونیکیا میں اسنو بورڈنگ اور پراجیلاتو میں کراس کنٹری اسکیئنگ کے مقابلے منعقد ہو رہے ہیں۔

ہندوستانی کھلاڑیوں کے شاندار آغاز کے بعد امید کی جارہی ہے کہ وہ آنے والے دنوں میں مزید تمغے جیت کر ملک کا نام روشن کریں گے۔

ہندوستھا ن سماچار

ہندوستان سماچار / محمد شہزاد