جموں, 12 مارچ (ہ س)جموں ٹریفک پولیس نے مسافروں کے لیے ایک ایڈوائزری جاری کی ہے جس میں ستواری چوک سے لاسٹ موڑ گاندھی نگر تک فلائی اوور کی تعمیر کے پیش نظر ٹریفک کی نقل و حرکت میں متبادل راستوں کا اعلان کیا گیا ہے۔سرکاری اعلامیہ کے مطابق، این ایچ اے آئی پی آئی یو-جموں کے پروجیکٹ ڈائریکٹر نے مطلع کیا ہے کہ متعلقہ ایجنسی نے ستواری چوک سے لاسٹ موڑ گاندھی نگر تک فلائی اوور کی تعمیر کا آغاز کر دیا ہے۔ اس دوران ستواری چوک سے لاسٹ موڑ گاندھی نگر جانے والی سڑک عام ٹریفک کے لیے بند رہے گی۔ ٹریفک کی روانی کو یقینی بنانے کے لیے متبادل راستے مقرر کر دیے گئے ہیں۔سانبہ کٹھوعہ سے کنجوانی، گنگیال کے راستے جموں شہر آنے والی بین الریاستی گاڑیاں ستواری چوک سے ایم ایچ اسپتال روڈ – بیلی چرانا چوتھا توی پل – ایشیا کراسنگ ،کینال ہیڈ کی طرف موڑ دی جائیں گی۔

آر ایس پورہ، میراں صاحب اور ملحقہ علاقوں سے جموں شہر آنے والی تمام گاڑیاں ستواری چوک سے ایم ایچ اسپتال روڈ – بیلی چرانا چوتھا توی پل – ایشیا کراسنگ،کینال ہیڈ کی طرف موڑی جائیں گی۔بکرم چوک سے ستواری چوک جانے والی سڑک پر یکطرفہ ٹریفک بحال رہے گی، تاہم لاسٹ موڑ گاندھی نگر سے ستواری چوک جانے والی گاڑیاں دائیں جانب کی سڑک سے گزر سکیں گی۔چوتھے توی پل سے ستواری کی طرف آنے والی ٹریفک بیلی چرانا کے راستے نہیں جائے گی بلکہ اسے ویئر ہاؤس – ایشیا کراسنگ – لاسٹ موڑ گاندھی نگر کے ذریعے ستواری چوک کی طرف بھیجا جائے گا۔عوام سے اپیل کی گئی ہے کہ وہ بہتر ٹریفک انتظام کے لیے ضلعی انتظامیہ اور پولیس سے تعاون کریں۔

ہندوستھان سماچار

---------------

ہندوستان سماچار / محمد اصغر