شمالی دیناج پور، 5 فروری (ہ س)۔ سڑک حادثے میں تین دوستوں کی موت ہوگئی۔ یہ حادثہ بدھ کو کشن گنج نیشنل ہائی وے-27 پر مقامی بس اسٹینڈ کے سامنے پیش آیا۔ مرنے والوں کے نام آدتیہ نارائن، سوجل کمار اور بٹو بساک ہیں۔ ان میں آدتیہ اور سجل کٹیہار ضلع کے بلرام پور کے رہنے والے ہیں جبکہ بٹو پورنیہ کا رہنے والا ہے۔ سب انٹرمیڈیٹ کا امتحان دینے جا رہے تھے۔

ایک عینی شاہد نے بتایا کہ موٹر سائیکل پنجیاڑہ سے تیز رفتاری سے آرہی تھی۔ پہلے بائک بے قابو ہو کر سڑک کے کنارے ڈیوائیڈر سے ٹکرا گئی۔ اس کے بعد ٹرک کے پچھلے حصے سے ٹکرا گئی۔ حادثے کی اطلاع ملتے ہی پولیس موقع پر پہنچ گئی۔ تینوں زخمیوں کو صدر اسپتال لے جایا گیا جہاں ڈاکٹروں نے انہیں مردہ قرار دے دیا۔

سب ڈویژنل پولیس افسر گوتم کمار نے بتایا کہ تینوں لاشوں کا پوسٹ مارٹم شروع کر دیا گیا ہے۔ پولیس نے تباہ شدہ موٹر سائیکل کو قبضے میں لے لیا ہے۔ ٹرک ڈرائیور فرار ہے۔ واقعے کی تحقیقات جاری ہیں۔

ہندوستھان سماچار

ہندوستان سماچار / عبدالواحد