نئی دہلی، 05 فروری (ہ س)۔ آج عالمی بازاروں سے ملے- جلے رجحانات نظر آرہے ہیں۔ امریکی بازار گزشتہ سیشن کے دوران مضبوطی کے ساتھ تجارت کے بعد اوپر بند ہوئے۔ تاہم، ڈاؤ جونز فیوچرز میں آج کمی کے ساتھ کاروبار دیکھا جا رہا ہے۔ یورپی بازار گزشتہ سیشن میں ملے -جلے نتائج کے ساتھ بند ہوئے۔ ایشیائی بازاروں میں بھی آج ملا- جلا کاروبار ہوتا ہوا نظر آ رہا ہے ۔
امریکی مارکیٹ میں گزشتہ سیشن کے دوران جوش و خروش کا ماحول رہا جس کی وجہ سے وال اسٹریٹ انڈیکس مضبوطی کے ساتھ بند ہونے میں کامیاب رہے۔ ڈاو¿ جونز 134.15 پوائنٹ یعنی 0.30 فیصد اضافے کے ساتھ 44,556.04 پوائنٹس پر بند ہوا۔ اسی طرح ایس اینڈ پی 500 انڈیکس نے گزشتہ سیشن کا اختتام 0.75 فیصد اضافے کے ساتھ 6,039.79 پوائنٹس پر کیا۔ اس کے علاوہ نیس ڈیک 265.64 پوائنٹس یعنی 1.37 فیصد اضافے کے ساتھ 19,657.59 پوائنٹس پر بند ہوا۔ تاہم، ڈاو¿ جونز فیوچرز آج 0.13 فیصد کی کمزوری کے ساتھ 44,497.59 پوائنٹس پر تجارت کر رہا ہے۔
گزشتہ سیشن کے دوران یورپی منڈیوں میں اتار -چڑھاو¿ رہا۔ پورے سیشن کی تجارت کے بعد یہاں کے بازار ملے -جلے نتائج کے ساتھ بند ہوئے۔ ایف ٹی ایس ای انڈیکس 0.15 فیصد گر کر 8,570.77 پوائنٹس پر بند ہوا۔ اس کے برعکس، سی اے سی انڈیکس نے گزشتہ سیشن کا اختتام 0.65 فیصد اضافے کے ساتھ 7,906.40 پوائنٹس پر کیا۔ اس کے علاوہ ڈی اے ایکس انڈیکس 0.36 فیصد اضافے کے ساتھ 21,505.70 پوائنٹس پر بند ہوا۔
ایشیائی بازاروں میں بھی آج ملا- جلا کاروبار دیکھا جا رہا ہے ۔ ایشیا کے 9 شیئر مارکیٹوں میں سے 6 انڈیکس کمی کے ساتھ سرخ رنگ میں کاروبار کر رہے ہیں، جبکہ 3 انڈیکس اضافے کے ساتھ سبز رنگ میں ہیں۔ گفٹ نفٹی 0.29 فیصد کے اضافے کے ساتھ 23,841 پوائنٹس کی سطح پر تجارت کر رہا ہے۔ وہیں تائیوان ویٹڈ انڈیکس نے آج زبردست چھلانگ لگائی ہے۔ فی الحال یہ انڈیکس 407.70 پوائنٹس یعنی 1.79 فیصد بڑھ کر 23,201.66 پوائنٹس کی سطح پر پہنچ گیا ہے۔ اسی طرح کوسپی انڈیکس 1.22 فیصد اضافے کے ساتھ 2,511.91 پوائنٹس پرکاروبار کر رہا ہے۔
دوسری جانب نکئی انڈیکس 0.13 فیصد کی کمزوری کے ساتھ 38,749.06 پوائنٹس پر ٹریڈ کر رہا ہے۔ اسی طرح اسٹریٹس ٹائمز انڈیکس 0.11 فیصد گر کر 3,818.95 پوائنٹس پر آگیا۔ اس کے علاوہ ہینگ سینگ انڈیکس 150.52 پوائنٹس یعنی 0.72 فیصد کی کمی کے ساتھ 20,639.44 پوائنٹس کی سطح پر ، جکارتہ کمپوزٹ انڈیکس 0.54 فیصد پھسل کر7,035.19 پوائنٹس کی سطح پر ، شنگھائی کمپوزٹ انڈیکس 0.36ٹوٹ کر 3,253.8 پوائنٹس کی سطح پر اور سیٹ کمپوزٹ انڈیکس 0.03 فیصد کی علامتی کمزوری کے ساتھ 1,300.69 پوائنٹس کی سطح پر کاروبار کر رہے ہیں۔
ہندوستھان سماچار
ہندوستان سماچار / محمد شہزاد
