سورت، 5 فروری (ہ س)۔ سورت کے علاقے نان پورہ میں رہنے والے گجرات کنٹرول آف آرگنائزڈ کرائم اینڈ ٹیررازم ایکٹ (گجکٹاک) کے ایک ملزم کے گھر کی غیر قانونی تعمیر کو مسمار کر دیا گیا۔ اس کارروائی کے لیے سورت پولیس اور میونسپل کارپوریشن نے مشترکہ آپریشن کیا۔

گجکٹاک کے ملزم عارف شیخ (مینڈی) کا گھر سورت کے قادرشانی نال علاقہ (نان پورہ) میں ہے۔ چھوٹی گلی میں دو گھر ہیں جہاں الزام ہے۔ ان دونوں گھروں کو ملانے کے لیے ملزم نے گلی پر لوہے کا چھوٹا سا پل بنا رکھا ہے۔ پولیس کے لیے درد سر بنے اس ملزم کے حوالے سے شکایت موصول ہوئی تو میونسپل کارپوریشن سے مدد طلب کی گئی۔ بدھ کو میونسپل کارپوریشن اور پولیس نے مشترکہ کارروائی کرتے ہوئے اس غیر قانونی تعمیر کو منہدم کر دیا۔ گلی محلے کے لوگوں میں یہ بات عام ہو گئی تھی کہ جب بھی ملزم کے خلاف پولیس کارروائی ہوتی تھی تو وہ پولیس سے بچنے کے لیے اس پل کا استعمال کرتا تھا۔ اس کارروائی کے ساتھ ہی چوک بازار میں ساگر ہوٹل کے قریب کئی لوگوں کے شیڈ بھی ہٹا دیے گئے ہیں۔

---------------

ہندوستان سماچار / عبدالسلام صدیقی