دبئی، 05 فروری (ہ س)۔ انٹرنیشنل کرکٹ کونسل (آئی سی سی) نے بدھ کو مردوں کی ٹی ٹوئنٹی انٹرنیشنل رینکنگ جاری کر دی۔ اس میں نوجوان اوپنر ابھیشیک شرما اور انگلینڈ کے خلاف حال ہی میں کھیلی گئی ٹی20 سیریز میں ہندوستان کی 1-4 سے جیت میں اہم کردار ادا کرنے والے اسپنر ورون چکرورتی نے بڑی چھلانگ لگائی ہے۔

ممبئی کے وانکھیڑے اسٹیڈیم میں سیریز کے آخری میچ میں ابھیشیک کی 54 گیندوں پر 135 رن کی شاندار اننگ کی بدولت وہ ہم وطن تلک ورما سے آگے اور صرف آسٹریلیا کے ٹریوس ہیڈ سے پیچھے رہتے ہوئے 38 درجے چھلانگ لگا کر دوسرے نمبر پر پہنچ گئے۔ تلک ورما ایک مقام کھسک کر 30 ویں مقام پر پہنچ گئے ہیں۔

ورون چکرورتی بھی بولنگ رینکنگ میں تین درجے ترقی کر کے دوسرے نمبر پر پہنچ گئے ہیں۔ انہوں نے سیریز کے آخری دو میچوں میں دو دو وکٹیں حاصل کی ہیں۔ سیریز میں ان کی مجموعی 14 وکٹیں انہیں انگلینڈ کے لیگ اسپنر عادل رشید کے ساتھ مشترکہ دوسرے نمبر پر لے گئے ہیں، جو گزشتہ ہفتے ٹاپ پوزیشن پر پہنچنے کے بعد عقیل حسین سے پیچھے چلے گئے ہیں۔ ورون کے علاوہ بولنگ رینکنگ میں ہندوستانی ٹیم کے لیگ اسپنر روی بشنوئی گزشتہ دو میچوں میں چار وکٹیں لے کر چھٹے نمبر پر پہنچ گئے ہیں۔

---------------

ہندوستان سماچار / عبدالسلام صدیقی