دہرادون، 11 فروری (ہ س)۔ اتراکھنڈ میں منعقد ہونے والے 38ویں نیشنل گیمز میں ایتھلیٹکس مقابلوں کے تحت 20 کلومیٹر ریس واک میں تاریخی کارکردگی دیکھنے کو ملی۔ نیشنل گیمز کا یہ ریکارڈ 14 سال بعد ٹوٹ گیا، جب چھ ہندوستانی کھلاڑیوں نے گرمیت سنگھ کے ذریعہ 2011 میںقائم کیے گیے وقت کو پیچھے چھوڑ دیا۔

بہترین کارکردگی سروین سیباسٹین (سروسز) کی طرف سے آئی جنہوں نے 1 گھنٹہ 21 منٹ 23 سیکنڈز میں ریس مکمل کر کے قومی کھیلوں کا نیا ریکارڈ قائم کیا۔ اس سے پہلے یہ ریکارڈ 2011 میں جھارکھنڈ میں منعقدہ نیشنل گیمز میں گرمیت سنگھ (1:23:26) کے نام تھا۔

چھ رایتھلیٹس نے پرانا ریکارڈ توڑ دیا

اس ریس میں کل چھ کھلاڑیوں نے گرمیت سنگھ کے 14 سال پرانے ریکارڈ سے بہتر کارکردگی کا مظاہرہ کیا۔ ان چھ کھلاڑیوں میں سروین سیباسٹین (سروسز) - 1:21:23 (نیا نیشنل گیمز ریکارڈ)، سورج پنوار (اتراکھنڈ) - 1:21:34، امنجوت سنگھ (پنجاب) - 1:21:42، پرم جیت سنگھ (سروسز) - 1:22:02، رام بابو اتر پردیش- 1:22:26 اور مکیش نٹھاروال (راجستھان) - 1:22:52 شامل ہیں۔

یہ ریکارڈ، جو 14 سال تک نہیں ٹوٹا، ایک ساتھ چھ رنرز کا توڑنا ہندوستانی ایتھلیٹکس کے لیے ایک بڑی کامیابی ہے۔ یہ نہ صرف کھلاڑیوں کی فٹنس اور تکنیکی بہتری کو ظاہر کرتا ہے بلکہ بین الاقوامی سطح پر ہندوستان کے ابھرتے ہوئے قد کی بھی نشاندہی کرتا ہے۔

خواتین کی 10 کلومیٹر ریس واک میں بھی نیا ریکارڈ

نیشنل گیمز میں مردوں کی طرح خواتین کی 10 کلومیٹر ریس واک میں بھی نیا ریکارڈ بنا۔ ہریانہ کی روینہ نے شاندار کارکردگی کا مظاہرہ کرتے ہوئے 45 منٹ 52 سیکنڈ میں ریس مکمل کر کے نیشنل گیمز کا نیا ریکارڈ بنایا۔

اس سے قبل 51:56 کا ریکارڈ منی پور کی وائی بالا دیوی نے 2023 میں قائم کیا تھا جسے اس بار نو کھلاڑیوں نے پیچھے چھوڑ دیا۔

ہندوستانی ایتھلیٹکس میں نئی توانائی

قومی کھیلوں میں بنائے گئے یہ ریکارڈ ہندوستانی کھلاڑیوں کی فٹنس، تکنیک اور تربیت میں بہتری کا منہ بولتا ثبوت ہیں۔ ان شاندارکارکردگی نے واضح کر دیا ہے کہ ہندوستان آئندہ بین الاقوامی مقابلوں میں اس سے بھی زیادہ مضبوط چیلنج پیش کرے گا۔

ہندوستھان سماچار

ہندوستان سماچار / محمد شہزاد