ممبئی

، 29 دسمبر(ہ س)۔

مہاوکاس اگھاڑی کو بڑا دھچکا دیتے ہوئے کانگریس

نے پیر کو اعلان کیا کہ تھانے میونسپل کارپوریشن انتخابات میں وہ آزادانہ طور پر

مقابلہ کرے گی۔ ضلع کانگریس صدر وکرانت پاٹل نے پریس سے گفتگو میں بتایا کہ اتحاد

مذاکرات کے دوران کانگریس نے مناسب اور باوقار نشستوں کا مطالبہ کیا تھا، لیکن شیوسینا

(یو بی ٹی) اور این سی پی (شرد گروپ) نے سیٹیں دینے سے انکار کیا، جس کے بعد کانگریس

نے اکیلے انتخاب لڑنے کا فیصلہ کیا۔

پاٹل نے

کہا کہ کلوا اور ممبرا میں پارٹی پوری قوت کے ساتھ امیدوار اتارے گی۔ مزید کہا کہ

اگر دیگر میونسپل کارپوریشنز میں بھی کانگریس کو مناسب سیٹیں نہ ملیں تو وہاں بھی

پارٹی اتحادیوں کے بغیر انتخاب لڑے گی۔

ریاست

بھر میں میونسپل انتخابات کیلئے کاغذات نامزدگی جمع کرانے کی آخری تاریخ منگل مقرر

ہے، اور نامزدگی واپس لینے کی مدت 02 جنوری تک ہے۔ انتخابی عمل 15 جنوری کو ہوگا

جبکہ نتائج 16 جنوری کو آئیں گے۔ مہاوکاس اگھاڑی اور بی جے پی اتحاد کے درمیان ریاست

کی کئی میونسپل حدود میں اختلافات بدستور موجود ہیں۔

ہندوستھان

سماچار

--------------------

ہندوستان سماچار / جاوید این اے