نئی دہلی، 29 دسمبر (ہ س) ۔دہلی-این سی آر پر پیر کی صبح سے دھند اور کہرے کی ایک موٹی چادر چھائی ہوئی ہے۔ دہلی میں آج دوپہر 12 بجے اوسط ایئر کوالٹی انڈیکس (اے کیو آئی) 362 ریکارڈ کیا گیا، جو کہ انتہائی خراب زمرے میں آتا ہے۔ اے کیو آئی کی ویب سائٹ کے مطابق، دوپہر 12 بجے دہلی میں 362 کا اے کیو آئی ریکارڈ کیا گیا۔ گریٹر نوئیڈا میں اے کیو آئی 344، غازی آباد 382، نوئیڈا 414، فرید آباد 388 اور گروگرام 327 ریکارڈ کیا گیا، جو 'انتہائی خراب' زمرے میں آتا ہے۔

سنٹرل پولوشن کنٹرول بورڈ (سی پی سی بی) کے مطابق، علی پور میںاے کیو آئی 380، آنند وہار 453، چاندنی چوک 416، بروری کراسنگ 392، سری فورٹ 418، آئی ٹی او397، پوسا ڈی پی سی سی 386، پوسا آئی ایم ڈی 377 اور وزیر پور 444میں اے کیو آئی ریکارڈ کیا گیا۔

ہندوستانی محکمہ موسمیات نے کہا کہ دارالحکومت-این سی آر کا زیادہ سے زیادہ درجہ حرارت 21-23 ڈگری سیلسیس کے درمیان رہنے کی توقع ہے اور آج کم سے کم درجہ حرارت 7-9 ڈگری سیلسیس کے درمیان رہنے کی امید ہے۔ یہاں ہوا کی رفتار مغرب کی طرف 15 کلومیٹر فی گھنٹہ ہونے کی توقع ہے۔ 30 دسمبر کو زیادہ سے زیادہ درجہ حرارت 22-24 ڈگری سیلسیس اور کم سے کم درجہ حرارت 7-9 ڈگری سیلسیس رہنے کا امکان ہے۔ صبح کے وقت بعض مقامات پر گھنی دھند کی وارننگ جاری کی گئی ہے۔ اتر پردیش، اتراکھنڈ، بہار اور ہماچل پردیش سمیت دیگر ریاستوں میں شدید سردی کی وارننگ جاری کی گئی ہے۔

ہندوستھان سماچار

ہندوستان سماچار / Mohammad Khan