کرناٹک کے چتردرگ میں لاری سے ٹکر کے بعد بس میں آگ لگی، 9 مسافر زندہ جلے

چتردرگ، 25 دسمبر (ہ س)۔ کرناٹک کے چتردرگ ضلع میں ہری یور تعلقہ کے گورلا ہٹو گاوں کے پاس آج علی الصبح ایک لاری سے ٹکر کے بعد بس میں آگ لگ گئی۔ اس حادثے میں 9 سے زیادہ مسافر زندہ جل گئے۔ آگ لگنے سے راکھ ہوئی بس نجی سلیپر کوچ ہے۔

پولیس کے مطابق، بنگلورو سے گوکرن جا رہی بس کو ایک لاری نے سامنے سے ٹکر مار دی اور اس میں فوراً آگ لگ گئی۔ یہ حادثہ گورلا ہٹو گاوں کے پاس نیشنل ہائی وے 48 پر ہوا۔ پولیس کا کہنا ہے کہ حادثے میں مرنے والوں کی تعداد بڑھ سکتی ہے۔ وہیں، حادثے میں کئی لوگ شدید طور پر زخمی ہو گئے، جن کا پاس کے ہی اسپتال میں علاج جاری ہے۔

پولیس کی ابتدائی تفتیش میں ٹرک ڈرائیور کی لاپرواہی کی بات سامنے آئی ہے۔ چتردرگ کے پولیس سپرنٹنڈنٹ رنجیت نے جائے وقوعہ کا دورہ کیا۔ انہوں نے بتایا کہ ہری یور دیہی تھانہ میں معاملہ درج کر لیا گیا ہے اور حادثے کی وجوہات کا پتہ لگانے کے لیے مزید تفتیش جاری ہے۔

ہندوستھان سماچار

---------------

ہندوستان سماچار / انظر حسن