نئی دہلی، 24 دسمبر (ہ س): دہلی بی جے پی کے صدر وریندر سچدیوا نے بدھ کو ہندوستان کے خلائی پروگرام کی تاریخی کامیابی پر خوشی کا اظہار کیا۔ انہوں نے ایل وی ایم3-ایم6 مشن کے کامیاب لانچ کو ملک کی خلائی تاریخ میں ایک قابل فخر لمحہ قرار دیا۔
ویریندر سچدیوا نے سوشل میڈیا پلیٹ فارم ایکس پر کہا کہ اس مشن کے ذریعے بلیو برڈ بلاک-2 خلائی جہاز، ہندوستانی سرزمین سے لانچ کیا گیا اب تک کا سب سے بھاری سیٹلائٹ، کامیابی کے ساتھ اپنے مقرر کردہ مدار میں رکھا گیا ہے، جو ہندوستان کی ہیوی لفٹ لانچ کی صلاحیت کو ایک نئی طاقت فراہم کرتا ہے۔
دہلی کے ریاستی صدر نے کہا کہ یہ کامیابی نہ صرف ہندوستانی خلائی تحقیق کی تکنیکی صلاحیتوں کو ظاہر کرتی ہے بلکہ عالمی تجارتی لانچ سیکٹر میں ہندوستان کی بڑھتی ہوئی ساکھ کو بھی واضح کرتی ہے۔ یہ کامیابی وزیر اعظم نریندر مودی کے ’’خود انحصار ہندوستان‘‘ کے عزم کی ایک طاقتور مثال ہے۔
سچدیوا نے اس غیر معمولی کامیابی کے لیے ملک کے سائنسدانوں اور انجینئروں کی ستائش کی اور انہیں تہہ دل سے مبارکباد دی اور کہا کہ ان کی لگن اور محنت کی وجہ سے آج ہندوستان خلا کے میدان میں نئی بلندیوں کو چھو رہا ہے۔
---------------
ہندوستان سماچار / عبدالسلام صدیقی
