ماسکو، 21 دسمبر (ہ س)۔ روسی صدر ولادیمیر پوتن فرانسیسی صدر ایمانوئل میکرون کے ساتھ بات چیت کے خواہشمند ہیں۔ کریملن نے عندیہ دیا ہے کہ دونوں ممالک کی اعلیٰ قیادت کے درمیان بات چیت کا امکان برقرار ہے۔کریملن کے ترجمان دمتری پیسکوف نے روسی میڈیا کو بتایا کہ ماسکو کو فرانسیسی صدر کے ساتھ بات چیت پر کوئی اعتراض نہیں ہے۔ انہوں نے واضح کیا کہ اگر پیرس پہل کرے تو روس بات چیت کے لیے تیار ہے۔

پیسکوف کے مطابق روس یوکرین تنازع کی موجودہ صورتحال میں سفارتی بات چیت کے امکان کو یکسر رد نہیں کیا جا سکتا۔ انہوں نے کہا کہ اگر دونوں فریق سیاسی عزم کا مظاہرہ کریں تو اس بات چیت کو تعمیری سمت میں آگے بڑھایا جا سکتا ہے۔کریملن نے یہ بھی اشارہ کیا کہ بین الاقوامی تناو¿ کے دور میں مذاکرات اور سفارت کاری ہی مسائل کو حل کرنے کا واحد راستہ ہیں۔

ہندوستھان سماچار

ہندوستان سماچار / Mohammad Khan