ارریہ، 2 دسمبر (ہ س)۔جوگبانی سے نیپال کی طرف ہندوستانی کرنسی لے کر جارہے ایک ہندوستانی شہری کو نیپال پولیس نے منگل کے روز گرفتار کیا۔ مورنگ ڈسٹرکٹ پولیس دفتر کے ڈی ایس پی کوپیلا چوڈال کے مطابق یہ کارروائی بھارت نیپال سرحد پر رانی بارڈر پر نمبر ایک بیریئر کے قریب کی گئی۔ حراست میں لیے گئے شہری کی شناخت اتر پردیش سے تعلق رکھنے والے 25 سالہ منیش یادو کے طور پر کی گئی ہے۔ترجمان کوپیلا چوڈال کے مطابق بھارت سے پیدل نیپال میں داخل ہونے والے ایک شخص کو شک کی بنیاد پر روکا گیا۔ چیکنگ کے دوران 500 روپے کے نوٹوں کے پانچ بنڈل برآمد ہوئے، جن میں کل 250،000 روپے تھے۔ یہ رقم رانی پولیس دفتر میں رکھی گئی تھی اور تفتیش کے بعد اسے مزید کارروائی کے لیے ریونیو انویسٹی گیشن آفس اٹہاری بھیج دیا گیا تھا۔قابل ذکر ہے کہ نیپال میں 100 روپے سے اوپر کی بھارتی کرنسی پر پابندی ہے۔ حالانکہ نیپال کی سرحد کے ساتھ تمام منی ایکسچینج کاؤنٹر 500 روپے کے نوٹوں کا لین دین کرتے ہیں، لیکن کوئی کارروائی نہیں کی جاتی ہے۔ ایسے میں بعض اوقات ہندوستانی شہری سے پانچ سو روپے کا نوٹ ملنے پر کئی طرح کی پریشانیوں کا سامنا کرنا پڑتا ہے۔ہندوستھان سماچار

ہندوستان سماچار / Mohammad Afzal Hassan