نئی دہلی، 17 دسمبر (ہ س)۔ مشرقی دہلی کے پانڈو نگر تھانہ علاقے میں منگل کی رات ایک نوجوان کو پیٹ پیٹ کر ہلاک کر دیا گیا۔ واقعہ ششی گارڈن واقع پنڈت رام پرساد بسمل کیمپ کی مرکزی سڑک کا ہے۔ تحقیقات میں متوفی کی شناخت ششی گارڈن کے رہنے والے دیپک (28) کے طور پر کی ہے۔

ایک سینئر پولیس افسر نے بدھ کو بتایا کہ رات تقریباً 1:24 بجے، پانڈو نگر پولیس اسٹیشن کو ایک پی سی آر کال موصول ہوئی جس میں بتایا گیا کہ ششی گارڈن بس اسٹینڈ کے نزدیک ہنومان مندر کے قریب ایک شخص لہولہان پڑا ہے۔ اطلاع ملتے ہی ایس آئی لو کانت اور اے ایس آئی وپن کمار موقع پر پہنچے۔ جائے وقوعہ پر بہت زیادہ خون پایا گیا۔ پوچھ گچھ کرنے پر معلوم ہوا کہ زخمی شخص کو پی سی آر وین میں اسپتال لے جایا گیا تھا۔ ایس آئی لو کانت اسپتال پہنچے، جہاں ڈاکٹروں نے دیپک کو مردہ قرار دیا۔

جسم کے معائنے پر، متوفی کے ماتھے پر اور اس کی دائیں آنکھ/چہرے کے گرد شدید زخم پائے گئے۔ بعد ازاں لاش کو اسپتال کے مردہ خانہ میں محفوظ کر دیا گیا۔ واقعہ کی اطلاع ملتے ہی کرائم سین اور ایف ایس ایل کی ٹیم جائے وقوعہ پر پہنچی اور شواہد اکٹھے کئے۔ پانڈو نگر پولس اسٹیشن میں قتل کا مقدمہ درج کیا گیا تھا۔

تفتیش کے دوران پولیس نے ملزم منوج (32) کو گرفتار کرلیا۔ پوچھ گچھ کے دوران ملزم نے اعتراف جرم کرتے ہوئے کہا کہ اس کی متوفی دیپک کے ساتھ بیڑی/سگریٹ پر معمولی جھگڑا ہوا تھا۔ تنازعہ بڑھنے پر ہاتھا پائی ہوئی، جس دوران دیپک نے دیپک کا گلا پکڑ لیا۔ مشتعل ہو کر منوج نے پاس پڑی لکڑے سے دیپک کے سر پر کئی وار کیے جس سے وہ بے ہوش ہو کر گر پڑا۔ پولیس نے ملزم کی نشاندہی پر خون آلود لکڑی برآمد کر لی ہے۔

ہندوستھا ن سماچار

ہندوستان سماچار / محمد شہزاد