نئی دہلی،04نومبر(ہ س)۔انڈیا کے الیکشن کمیشن نے آج نئی دہلی میں انڈیا انٹرنیشنل انسٹی ٹیوٹ فار ڈیموکریسی اینڈ الیکشن مینجمنٹ (آئی آئی آئی ڈی ای ایم) میں بین الاقوامی الیکشن وزیٹرس پروگرام (آئی ای وی پی) 2025 کا آغاز کیا۔چیف الیکشن کمشنر جناب گیانیش کمار نے الیکشن کمشنر ڈاکٹر وویک جوشی کے ساتھ شرکاءکے ساتھ بات چیت کی۔افتتاحی اجلاس میں فرانس، جنوبی افریقہ، بلجیم، انڈونیشیا، فلپائن، تھائی لینڈ اور کولمبیا کے 7 ممالک سے 14 شرکاءنے شرکت کی۔شرکاءکو ای وی ایم کا مشاہدہ کرایا گیا جس کے بعد ای سی آئی کے سینئر افسران نے انتخابی فہرستوں کی تیاری اور ہندوستان میں انتخابات کے انعقاد سمیت انتخابات کے مختلف پہلووں پر پریزنٹیشن دی۔آئی ای وی پی میں 5سے6 نومبر 2025 تک بہار کا دو روزہ دورہ شامل ہے جہاں شرکاءای وی ایم ڈسپیچ مراکز کا دورہ کریں گے اور 6 نومبر 2025 کو اصل پولنگ کا مشاہدہ کریں گے۔آئی ای وی پی دیگر ممالک اور بین الاقوامی تنظیموں کے الیکشن مینجمنٹ باڈیز (ای ایم بی) کے ساتھ بین الاقوامی تعاون اورشمولیت کے لیے ای سی آئی کا ایک فلیگ شپ پروگرام ہے۔2014 سے، آئی ای وی پی ہندوستان کے انتخابی نظام کی طاقتوں کو بین الاقوامی برادری کے سامنے پیش کر رہا ہے اور انتخابات کے انعقاد کے لیے دنیا کی سب سے بڑی جمہوریت میں اپنائے گئے بہترین طریقوں کا اشتراک کر رہا ہے۔ہندوستھان سماچار

ہندوستان سماچار / Mohammad Khan