نئی دہلی، 9 اکتوبر (ہ س)۔ سپریم کورٹ مدھیہ پردیش اور راجستھان میں کھانسی کے سیرپ سے مرنے والے بچوں کے معاملے کی سماعت کے لیے راضی ہو گئی ہے۔ چیف جسٹس بی آر گوئی کی سربراہی والی بنچ کے سامنے فوری سماعت کے لیے اس معاملے کا تذکرہ جمعرات کو کیا گیا۔ بعد ازاں عدالت نے 10 اکتوبر کو سماعت کا حکم دیا۔

وکیل وشال تیواری نے ایک درخواست دائر کی ہے جس میں بچوں کی موت کی عدالت کی نگرانی میں تحقیقات کا مطالبہ کیا گیا ہے۔ عرضی میں ایف آئی آر اور تحقیقات سی بی آئی کے حوالے کرنے کا مطالبہ کیا گیا ہے۔ عرضی میں مرکزی حکومت سے قومی سطح کے عدالتی کمیشن یا ماہر ٹاسک فورس کے قیام کے لیے رہنما خطوط جاری کرنے کا بھی مطالبہ کیا گیا ہے۔

تمل ناڈو میں تیار کیے جانے والے کولڈریف سیرپ میں ڈائیتھیلین گلائکول (ڈی ای جی) نامی کیمیکل کی ضرورت سے زیادہ مقدار ملائے جانے کی وجہ سے مدھیہ پردیش اور راجستھان کے 16 بچوں کی موت ہو چکی ہے، جس کے بعد سپریم کورٹ میں ایک عرضی دائر کی گئی ہے۔

ہندوستھان سماچار

ہندوستان سماچار / محمد شہزاد