چیف جسٹس پر حملہ آر ایس ایس کے نظریات کی عکاسی : روہت پوار

اورنگ آباد ، 7 اکتوبر(ہ س)۔ چیف

جسٹس آف انڈیا بھوشن گوائی پر جوتا پھینکنے کے واقعے کے بعد ملک کی سیاست میں ہلچل

مچ گئی ہے۔ این سی پی (شرد پوار دھڑے) کے ایم ایل اے روہت پوار نے اس واقعے کی

سخت مذمت کرتے ہوئے الزام لگایا کہ حملہ آور وکیل کا تعلق آر ایس ایس سے ہے اور یہ

اقدام سپریم کورٹ پر اثرانداز ہونے کی دانستہ کوشش ہے۔

اورنگ

آباد میں ڈاکٹر بابا صاحب امبیڈکر یونیورسٹی کے مین گیٹ پر این سی پی کارکنوں نے

احتجاجی مظاہرہ کیا۔ روہت پوار نے اس موقع پر کہا کہ چیف جسٹس گوائی شیو، شاہو،

پھولے اور امبیڈکر کے نظریات پر کاربند ہیں اور انہوں نے اپنی قابلیت اور اصول

پسندی کے بل بوتے پر یہ مقام حاصل کیا ہے۔

انہوں

نے کہا کہ منووادی نظریات رکھنے والے عناصر اس ملک میں دوبارہ عدم مساوات اور ذات

پات کی تقسیم کو فروغ دینے کی کوشش کر رہے ہیں۔ ’’ایک ایسے شخص پر جوتا پھینکنا جو

انصاف اور برابری کی علامت ہے، جمہوریت پر حملے کے مترادف ہے،‘‘ روہت پوار نے کہا۔

بارامتی

میں بھی اسی نوعیت کا احتجاج کیا گیا جہاں این سی پی کی سینئر رہنما اور رکن پارلیمنٹ

سپریا سولے اور یوگیندر پوار نے ڈاکٹر امبیڈکر کی یادگار پر خاموش مظاہرہ کرتے

ہوئے اس عمل کو افسوسناک اور ناقابل قبول قرار دیا۔

ہندوستھان

سماچار

--------------------

ہندوستان سماچار / جاوید این اے