مشرقی سنگھ بھوم، 6 اکتوبر (ہ س)۔ منگو ڈمنا روڈ پر واقع سنجے پتھ پیر کی صبح گولیوں کی آوازوں سے گونج اٹھا۔ صبح تقریباً 5 بجے موٹر سائیکل پر سوار دوبدمعاشوں نے بدنام زمانہ بدمعاش گڈو پانڈے کے گھر پر فلمی انداز میں چار راونڈ فائرنگ کی۔ حملہ آوروں میں شامل آستھا اسپیس ٹاون کا رہائشی ٹیکا چودھری پر الزام ہے کہ اس نے پہلے دروازے کی گھنٹی بجائی ، گالی گلوج کی اور پھر پستول نکال کر گولیاں برسا دیں۔ یہ سارا واقعہ سی سی ٹی وی میں قید ہوگیا۔

فوٹیج کے مطابق ،فائرنگ کے وقت متعدد افراد مارننگ واک پر تھے۔ اچانک فائرنگ سے علاقے میں خوف وہراس پھیل گیا اور لوگ خوف و ہراس میں گھروں میں چھپ گئے۔ بتایا جاتا ہے کہ ٹیکا چودھری نے غصے میں آکر گھر کے باہر لگے سی سی ٹی وی کیمرے کو بھی نشانہ بنایا۔ گولی چلنے کی آواز سن کر گڈو پانڈے کا خاندان گھر کے پچھواڑے سے نکل کر فرار ہونے میں کامیاب ہوگیا۔

بتایا جاتا ہے کہ گڈو پانڈے اس وقت گھر پر نہیں تھا، کیونکہ ضلع انتظامیہ نے پہلے ہی ا سے تڑی پارکیا ہوا ہے۔ اس واقعہ کے بعد متاثرہ کے والد بیجندر پانڈے نے الیڈیہ پولیس اسٹیشن میں تحریری شکایت درج کرائی۔ انہوں نے ٹیکا چودھری، اس کے بھائی اور ایک اور نامعلوم شخص کو ملزم نامزد کیا۔

واقعے کی اطلاع ملنے کے باوجود پولیس تقریباً ڈھائی گھنٹے تاخیر سے صبح ساڑھے سات بجے جائے وقوعہ پر پہنچی، تفتیش کے دوران پولیس نے تین کارتوس برآمد کیے اور سی سی ٹی وی فوٹیج قبضے میں لے لی، جس میں ٹیکا چودھری اور اس کا ساتھی واضح طور پر دکھائی دے رہا ہے۔ پولیس نے ملزم کے گھر پر چھاپہ مارا تاہم وہ مبینہ طور پر فرار ہے۔

ڈی ایس پی بھولا پرساد نے پریس کو بتایا کہ حملہ پرانے جھگڑے کا نتیجہ ہو سکتا ہے۔ بتایا جاتا ہے کہ تقریباً ایک سال قبل گڈو پانڈے نے ٹیکا چودھری کی پٹائی کی تھی جس کے نتیجے میں فائرنگ ہوئی تھی۔ ٹیکا چودھری امرناتھ سنگھ قتل کیس کا سابق ملزم تھا اور فی الحال ضمانت پر باہر ہے۔

گڈو پانڈے فوجداری مقدمات میں بھی ملوث رہا ہے۔ اس کا تعلق پرمجیت سنگھ گینگ سے بتایا جاتا ہے اور اس کے خلاف جبری وصولی، فائرنگ اور اسلحہ ایکٹ سمیت کئی مقدمات درج ہیں۔ اپریل 2024 میں، سنٹو سنگھ گینگ نے ان کے گھر پر تقریباً 15 راو¿نڈ فائر کیے تھے۔ اب ڈیڑھ سال بعد ایک بار پھر گولیوں کی آواز نے سنجے پتھ کو ہلا کر رکھ دیا ہے۔

ہندوستھان سماچار

ہندوستان سماچار / محمد شہزاد