نئی دہلی، 28 اکتوبر (ہ س)۔ گھریلو شیئر بازار نے اتار چڑھاؤ کے درمیان آج ابتدائی تجارت میں فلیٹ کاروبار کیا۔ لین دین کا آغاز نیچے نوٹ پر ہوا۔ بازار کھلنے کے تھوڑی دیر بعد، خریداروں نے خریدنا شروع کر دیا، جس کے نتیجے میں سینسیکس اور نفٹی میں اضافہ ہوا۔ تاہم، جلد ہی منافع کی بکنگ ہوئی، جس کی وجہ سے دونوں انڈیکس دوبارہ سرخ رنگ میں ڈوب گئے۔ صبح 10 بجے تک، سینسیکس 0.052 فیصد نیچے تجارت کر رہا تھا، جبکہ نفٹی 0.04 فیصد نیچے کاروبارکر رہا تھا۔

اسٹاک مارکیٹ کے ہیوی وائٹس میں، ہندالکو انڈسٹریز، ٹاٹا اسٹیل، اسٹیٹ بینک آف انڈیا، لارسن اینڈ ٹوبرو، اور ایس بی آئی لائف انشورنس 1.56 فیصد سے 0.94 فیصد تک کے اضافے کے ساتھ تجارت کر رہے تھے۔ دوسری طرف، آئی سی آئی سی آئی بینک، انٹر گلوب ایوی ایشن، بجاج فائنانس، بجاج فنسر، اور او این جی سی کے شیئر 0.83 فیصد سے 0.07 فیصد تک گراوٹ کے ساتھ تجارت کر رہے تھے۔

آج کی تجارت کے مطابق، سٹاک مارکیٹ میں 2,244 شیئر فعال طور پر کاروبار کر رہے تھے۔ ان میں سے 1,349 اسٹاکس سبز رنگ میں فائدہ کے ساتھ تجارت کر رہے تھے، جب کہ 895 سرخ رنگ میں خسارے کے ساتھ کاروبار کر رہے تھے۔ اسی طرح سینسیکس میں شامل 30 اسٹاکس میں سے 15 منافع وصولی کی وجہ سے سبز رنگ میں تجارت کر رہے تھے۔ دوسری جانب فروخت کے دباؤ کے باعث 15 شیئر سرخ رنگ میں تجارت کر رہے تھے۔ نفٹی میں شامل 50 اسٹاکس میں سے 19 سبز رنگ میں تجارت کر رہے تھے، جبکہ 31 سرخ رنگ میں تجارت کر رہے تھے۔

بی ایس ای سینسیکس آج 153.13 پوائنٹس کی کمی کے ساتھ 84,625.71 پر کھلا۔ کاروبار شروع ہونے کے کچھ ہی دیر بعد، انڈیکس نے رفتار حاصل کی، جس کو خرید نے سپورٹ کیا۔ مسلسل خریداری کی مدد سے، سینسیکس ٹریڈنگ کے پہلے 20 منٹوں میں 200 پوائنٹس بڑھ کر 84,986.94 تک پہنچ گیا۔ اس کے بعد منافع وصولی شروع ہوئی، جس سے نیچے کی طرف رجحان ہوا۔ خرید و فروخت جاری رہنے کے درمیان، سینسیکس صبح 10 بجے، 43.80 پوائنٹس کی کمی کے ساتھ 84,735.04 پرتجارت کر رہا تھا، سینسیکس کے بعد، این ایس ای نفٹی نے آج ٹریڈنگ کا آغاز کیا، جو 26.10 پوائنٹس پھسل کر 25,939.95 پر آگیا۔ جیسے ہی مارکیٹ کھلنے کے فوراً بعد خریداری شروع ہوئی، انڈیکس تقریباً 75 پوائنٹس بڑھ کر پہلے 20 منٹ میں 26,041.70 تک پہنچ گیا۔ اس کے بعد فروخت شروع ہونے سے اس انڈیکس کی حرکت میں کمی آئی۔ بازار میں مسلسل خرید و فروخت کے درمیان صبح 10 بجے تک ٹریڈنگ کے بعد، نفٹی 9.30 پوائنٹس کی کمی کے ساتھ 25,956.75 پوائنٹس کی سطح پر تجارت کر رہا تھا۔

اس سے پہلے پیر کو گزشتہ کاروباری دن سینسیکس 566.96 پوائنٹ یعنی 0.67 فیصد کے اضافے کے ساتھ 84,778.84 پوائنٹس کی سطح پر بند ہوا تھا۔ وہیں، نفٹی نے پیر کو 170.90 پوائنٹس یعنی 0.66 فیصد کی چھلانگ کے ساتھ 25,966.05 پوائنٹس کی سطح پر تجارت کا اختتام کیا تھا۔

ہندوستھان سماچار

---------------

ہندوستان سماچار / عبدالواحد