نئی دہلی، 27 اکتوبر (ہ س)۔ گھریلو شیئر مارکیٹ میں آج ابتدائی کاروبار کے دوران تیزی کا رجحان نظر آرہا ہے۔ کاروبار کی شروعات معمولی اضافہ کے ساتھ ہوئی۔ مارکیٹ کھلنے کے بعد خریداری کی حمایت سے سینسیکس اور نِفٹی دونوں انڈیکسوں میں اضافہ دیکھنے کو ملا۔ پہلے ایک گھنٹے کے کاروبار کے بعد سینسیکس 0.68 فیصد اور نفٹی 0.65 فیصد اضافے کے ساتھ کاروبار کر رہے تھے۔
ابتدائی ایک گھنٹے کے کاروبار میں شیئر مارکیٹ میں درج بڑے کمپنیوں کے شیئروں میں سے ایس بی آئی لائف انشورنس، ریلائنس انڈسٹریز، بھارتی ایئرٹیل، ٹاٹا اسٹیل اور ٹاٹا موٹرز پیسنجر وہیکلز لمیٹڈ (ٹی ایم پی وی) کے شیئرز 3.20 فیصد سے لیکر 1.34 فیصد اضافے کے ساتھ کاروبار کر رہے تھے۔ دوسری جانب انفوسس، کوٹک مہندرا، بھارت الیکٹرانکس، بجاج فنانس اور او این جی سی کے شیئرز 0.92 فیصد سے لیکر 0.73 فیصد کمی کے ساتھ کاروبار کرتے ہوئے نظر آرہے تھے۔
ابھی تک کے کاروبار میں شیئر مارکیٹ میں 2,626 شیئروں میں ایکٹو ٹریڈنگ ہو رہی تھی، ان میں سے 1,672 شیئر منافع کما کر سبز نشان میں اور 954 شیئرز نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 22 شیئر خریداری کی حمایت سے سبز نشان میں برقرار تھے، جبکہ 8 شیئرز فروخت کے دباو میں سرخ نشان میں کاروبار کر رہے تھے۔ نفٹی میں شامل 50 شیئروں میں سے 36 شیئر سبز نشان میں اور 14 شیئر سرخ نشان میں کاروبار کر رہے تھے۔
بی ایس ای کا سینسیکس آج 85.51 پوائنٹس کی مضبوطی کے ساتھ 84,297.39 پوائنٹس کی سطح پر کھلا۔ کاروبار کی شروعات کے کچھ دیر بعد ہی خریداروں نے خریداری کا زور لگا دیا، جس سے اس انڈیکس کی حرکت میں اضافہ دیکھنے کو ملا۔ کاروبار کے دوران وقفے وقفے سے معمولی منافع وصولی بھی ہوتی رہی، اس کے باوجود اس انڈیکس میں مسلسل تیزی رہی۔ مارکیٹ میں جاری خرید و فروخت کے درمیان پہلے ایک گھنٹے کے کاروبار کے بعد صبح 10.15 بجے سینسیکس 570.06 پوائنٹس کے اضافے کے ساتھ 84,781.94 پوائنٹس کی سطح پر کاروبار کر رہا تھا۔
سینسیکس کی طرح این ایس ای کا نفٹی آج 48.05 پوائنٹس کے اضافے کے ساتھ 25,843.20 پوائنٹس کی سطح سے کاروبار کی شروعات کی۔ مارکیٹ کھلنے کے کچھ دیر بعد ہی خریداروں نے خریداری کا زور بنا دیا، جس کی وجہ سے اس انڈیکس میں تیزی آگئی۔ مارکیٹ میں مسلسل جاری خرید و فروخت کے درمیان ابتدائی ایک گھنٹے کے کاروبار کے بعد صبح 10.15 بجے نفٹی 168.40 پوائنٹس کی مضبوطی کے ساتھ 25,963.55 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
