نئی دہلی، 26 اکتوبر (ہ س)۔شہری ہوابازی کی جانب سے طیارہ حادثہ تفتیشی بیورو (اے اے آئی بی) 28 سے 31 اکتوبر 2025 تک چار روزہ ایشیا بحرالکاہل حادثہ تفتیشی گروپ (اے پی اے سی- اے آئی جی) کی میٹنگ اور ورکشاپ کی میزبانی کرے گا۔ شہری ہوابازی کے مرکزی وزیر جناب رام موہن نائیڈو اس تقریب کا آغاز کریں گے۔اے پی اے سی – اے آئی جی اجلاس ہر سال منعقد ہوتا ہے اور ایشیا پیسفک کے خطے میں آئی سی اے او کے رکن ممالک کے ساتھ ساتھ مختلف بین الاقوامی تنظیمیں مذکورہ اجلاس میں شرکت کرتی ہیں۔ اجلاس عام طور پر اے پی اے سی خطے میں آئی سی اے او کے رکن ممالک میں سے کسی ایک کی میزبانی میں ہوتا ہے۔ہندوستان پہلی بار اے پی اے سی – اے آئی جی میٹنگ کی میزبانی کرے گا۔ ایشیا پیسیفک ممالک کے ساتھ ساتھ آئی سی اے او کے تقریباً 90 نمائندے ہوائی جہاز کے حادثے کی تحقیقات کے حکام کی شرکت کریں گے۔

اجلاس میں طیارہ حادثے کی تحقیقات کے مختلف پہلوو¿ں بشمول عمل اور رپورٹنگ پر تبادلہ خیال کیا جائے گا۔ گروپ کی میٹنگوں کا مقصد حادثہ/واقعہ کی تفتیشی حکام کے درمیان مہارت، تجربے اور معلومات کے اشتراک کو فروغ دینا ہے اور ایشیا اور بحرالکاہل کے خطوں میں حادثے/واقعہ کی تفتیش کی صلاحیت کو بہتر بنانے کے لیے ان کے درمیان تعاون کو فروغ دینا اور مضبوط کرنا ہے۔یہ ورکشاپ 28-29 اکتوبر 2025 کو منعقد ہوگی جس میں ہوائی جہاز کے حادثے کی تحقیقات سے متعلق موضوعات کا احاطہ کیا جائے گا۔ ورکشاپ میں بین الاقوامی شرکاءکے ساتھ اے اے آئی بی، ڈی جی سی اے کے عہدیدار بھی ہوں گے۔ایشیا بحرالکاہل کے علاقے میں آئی سی اے او کے رکن ممالک کے نمائندے اور اے اے آئی بی کے حکام 30 اور 31 اکتوبر کو گفت و شنید کریں گے۔

ہندوستھان سماچار

ہندوستان سماچار / Mohammad Khan