نئی دہلی، 24 اکتوبر (ہ س)۔ دہلی پولیس کے خصوصی سیل نے جمعہ کو آئی ایس آئی ایس کے ایک ماڈیول کا پردہ فاش کرتے ہوئے دو مشتبہ دہشت گردوں کو گرفتار کیا۔ ایک کو دہلی اور دوسرے کو مدھیہ پردیش کے بھوپال سے گرفتار کیا گیا۔ پولیس کے مطابق یہ دہشت گرد خودکش حملوں کی تربیت لے رہے تھے۔ دہلی اسپیشل سیل نے جن دہشت گردوں کو گرفتار کیا ہے ان میں سے ایک دہلی کا رہنے والا ہے اور دوسرے کا تعلق مدھیہ پردیش سے ہے۔ دونوں دہشت گردوں کی شناخت عدنان کے نام سے ہوئی ہے۔ ایک مشتبہ شخص کو دہلی کے صادق نگر سے گرفتار کیا گیا جبکہ دوسرے کو بھوپال سے گرفتار کیا گیا۔ ایک اہلکار نے بتایا کہ ابتدائی تحقیقات سے پتہ چلا ہے کہ دونوں ملزمان آئی ایس آئی ایس سے منسلک تھے اور دہلی میں ایک بڑے دہشت گردانہ حملے کی منصوبہ بندی کر رہے تھے۔ پولیس نے ان کے پاس سے الیکٹرانک آلات اور مجرمانہ مواد ضبط کرلیا۔ ایک پولیس اہلکار نے بتایا کہ ملزمان سے ان کے نیٹ ورک اور سازش کے بارے میں معلومات حاصل کرنے کے لیے پوچھ گچھ کی جا رہی ہے۔ ابتدائی تحقیقات سے پتہ چلا ہے کہ ملزم نے دہلی میں کئی اہم مقامات کی جاسوسی کی تھی۔

ہندوستھان سماچار

---------------

ہندوستان سماچار / عبدالواحد