پٹنہ، 19 اکتوبر (ہ س)۔بہار اسمبلی انتخابات کے سرگرمی کے درمیان راشٹریہ جنتا دل (آر جے ڈی) کے لیڈر مدن شاہ نے ٹکٹ نہ ملنے پر پارٹی کے قومی صدر لالو یادو کی رہائش گاہ کے باہر ’’کرتا پھاڑ‘‘ کر احتجاج کیا۔ انہوں نے راجیہ سبھا کے رکن سنجے یادو پر 2.70 کروڑ روپے میں ٹکٹ فروخت کرنے کے سنگین الزامات بھی لگائے۔ شاہ نے خود کو پارٹی کا وفادار بتاتے ہوئے باہر کے شخص کو ٹکٹ دیئے جانے پر ناراضگی کا اظہار کیا۔بہار اسمبلی انتخابات کو لے کر اتوار کے روز آر جے ڈی کے قومی صدر لالو پرساد یادو کی پٹنہ رہائش گاہ کے باہر زبردست ہنگامہ ہوا۔ مدھوبن اسمبلی سیٹ کے ٹکٹ کے دعویدار آر جے ڈی کارکن مدن شاہ اچانک 10 سرکلر روڈ واقع لالو رابڑی کی رہائش گاہ پر پہنچے اور زبردست احتجاج شروع کیا۔مدن شاہ نے نہ صرف احتجاج کیا بلکہ گیٹ کے سامنے اپنا کرتا بھی پھاڑ لیا۔اتنا ہی نہیں وہ سرعام زمین پر لیٹ کر پھوٹ پھوٹ کر رونے لگے۔ اس موقع پر انہوں نے پارٹی پر سنگین الزامات عائد کرتے ہوئے کہا کہ آر جے ڈی کے راجیہ سبھا ممبر پارلیمنٹ سنجے یادو نے ان سے 2.70 کروڑ کا مطالبہ کیا تھا اور جب انہوں نے دینے سے انکار کر دیا تو پارٹی نے ان کا ٹکٹ کاٹ کر ڈاکٹر سنتوش کشواہا کو دے دیا۔مدن شاہ نے کہا کہ میں برسوں سے پارٹی کے لیے کام کر رہا ہوں لیکن ٹکٹ پیسے کی بنیاد پر تقسیم کیے جاتے ہیں، سرشار کارکنوں کو نظر انداز کیا جا رہا ہے اور پیسے والوں کو ترجیح دی جا رہی ہے۔مدن شاہ کے احتجاج کے دوران لالو رابڑی کی رہائش گاہ کے باہر افراتفری مچ گئی۔ سیکورٹی اہلکاروں نے مدن شاہ کو جائے وقوعہ سے ہٹا کر صورتحال پر قابو پالیا۔قابل ذکر ہے کہ بہار اسمبلی انتخابات کو لے کرعظیم اتحاد کے اندر کشیدگی مسلسل بڑھ رہی ہے۔ آر جے ڈی اور کانگریس کے درمیان کئی سیٹوں پر تال میل ناکام رہا ہے، جب کہ آر جے ڈی اور وکاسیل انسان پارٹی (وی آئی پی) کے درمیان اختلافات بھی سامنے آئے ہیں۔ دونوں پارٹیوں کے امیدواروں نے مدھے پورہ میں ایک سیٹ کے لیے پرچہ نامزدگی داخل کیے ہیں، جس سے صورتحال مزید پیچیدہ ہو گئی ہے۔

ہندوستھان سماچار

ہندوستان سماچار / Mohammad Afzal Hassan