ممبئی، 17 اکتوبر (ہ س)۔

معاشی محاذ پر چونکا دینے والی خبر۔۔۔ زرمبادلہ کے ذخائر میں مسلسل چوتھے ہفتے کمی ہوئی ہے۔ ملک کے زرمبادلہ کے ذخائر 10 اکتوبر کو ختم ہونے والے ہفتے میں 2.18 بلین ڈالر کم ہو کر 697.78 بلین ڈالر رہ گئے۔ گزشتہ ہفتے ملک کے زرمبادلہ کے کل ذخائر 276 ملین ڈالر کم ہو کر 699.96 بلین ڈالر رہ گئے تھے۔

ریزرو بینک آف انڈیا (آر بی آئی) نے جمعہ کو اعداد و شمار جاری کرتے ہوئے کہا کہ غیر ملکی کرنسی کے اثاثے، جو کہ غیر ملکی زرمبادلہ کے ذخائر کا ایک اہم حصہ سمجھے جاتے ہیں، 10 اکتوبر کو ختم ہونے والے ہفتے میں 5.60 بلین ڈالر کم ہو کر 572.10 بلین ڈالر ہو گئے۔ آر بی آئی کے مطابق، اس مدت کے دوران ملک کے سونے کے ذخائر 3.59 بلین ڈالر بڑھ کر 1023 بلین ڈالر ہو گئے۔

ریزرو بینک کے اعداد و شمار کے مطابق، اس مدت کے دوران خصوصی ڈرائنگ رائٹس (ایس ڈی آر) 130 ملین ڈالر کی کمی سے 18.684 بلین ڈالررہ گئے۔ اعداد و شمار کے مطابق، 10 اکتوبر کو ختم ہونے والے ہفتے میں بین الاقوامی مالیاتی فنڈ کے پاس ہندوستان کے ذخائر 36 ملین ڈالر کم ہو کر 4.63 بلین ڈالر رہ گئے۔

ہندوستھان سماچار

ہندوستان سماچار / عطاءاللہ