ممبئی

، 14 اکتوبر(ہ س)

تھانے ضلع کے کاسیڈی گاؤں میں منگل کی صبح ایک

دل خراش حادثہ پیش آیا، جس میں ایک نوجوان انجینئر کی موت ہو گئی۔ پولیس کے مطابق

حادثہ اس وقت پیش آیا جب ایک تیز رفتار ٹرک نے موٹر سائیکل کو ٹکر ماری، جس کے نتیجے

میں نوجوان موقع پر ہی ہلاک ہو گیا۔

حادثے کی

تحقیقات کرنے والے بھیونڈی تحصیل پولیس اسٹیشن کے افسر نے بتایا کہ مرنے والے کی

شناخت ونود پاٹل (عمر 29 سال) کے طور پر کی گئی ہے، جو وشند کی ایک نجی کمپنی میں

انجینئر کے طور پر خدمات انجام دے رہا تھا۔ وہ صبح کے وقت اپنی موٹر سائیکل پر گھر

واپس جا رہا تھا کہ راستے میں یہ المناک حادثہ پیش آیا۔

پولیس

کے مطابق حادثے کے بعد ٹرک ڈرائیور موقع سے فرار ہو گیا اور ونود پاٹل کی لاش سڑک

پر کافی دیر تک پڑی رہی۔ مقامی شہریوں نے فوری طور پر پولیس کو اطلاع دی۔ اطلاع

ملتے ہی پولیس موقع پر پہنچی اور لاش کو تحویل میں لے کر پوسٹ مارٹم کے لیے اسپتال

روانہ کر دیا۔

افسر نے

بتایا کہ پولیس نے حادثے کی مکمل جانچ شروع کر دی ہے۔ جائے وقوعہ سے شواہد جمع کر

لیے گئے ہیں جبکہ فرار ہونے والے ڈرائیور کی تلاش میں علاقے کے سی سی ٹی وی کیمروں

کی فوٹیج حاصل کی جا رہی ہے۔ پولیس نے یقین دہانی کرائی ہے کہ ملوث شخص کو جلد

گرفتار کیا جائے گا۔

ہندوستھان

سماچار

ہندوستان سماچار / جاوید این اے