کولکاتہ، 09 جنوری (ہ س)۔

کولکاتہ کے آر جی سیالدہ کی عدالت نے کار میڈیکل کالج میں 31 سالہ خاتون ڈاکٹر کی عصمت دری اور قتل کے معاملے کی سماعت مکمل کر لی ہے۔ کیس کا فیصلہ 18 جنوری کو سنایا جائے گا۔

کلکتہ ہائی کورٹ کی ہدایت پر مرکزی تفتیشی بیورو (سی بی آئی) نے اس کیس کی جانچ کی۔ سی بی آئی نے اپنی چارج شیٹ میں سنجے رائے کو اہم ملزم بنایا ہے۔ سی بی آئی نے عدالت میں مطالبہ کیا ہے کہ اس کی زیادہ سے زیادہ سزا موت کی ہو۔

اس واقعے نے ملک بھر میں غم و غصے کو جنم دیا، جس کے نتیجے میں ڈاکٹروں اور خواتین کے گروپوں نے زبردست احتجاج کیا۔ حفاظتی اقدامات اور انصاف کے مطالبات کے ساتھ یہ کیس قومی توجہ کا مرکز بنا۔ اس واقعے کے بعد ملک بھر میں ڈاکٹروں کی ہڑتال اور خواتین کی حفاظت کے لیے بیداری مہم میں اضافہ دیکھا گیا۔ سپریم کورٹ نے بھی اس معاملے کا نوٹس لیتے ہوئے طبی عملے کی حفاظت کے لیے قومی ٹاسک فورس بنانے کی ہدایت کی۔ کولکاتہ کی طبی برادری اس واقعے کے بعد سے مسلسل احتجاج کر رہی ہے، جو اب بھی کسی نہ کسی شکل میں جاری ہے۔

9 اگست 2024 کو کولکاتہ کے آر جی کر اسپتال کے سیمینار ہال سے 31 سالہ پوسٹ گریجویٹ ٹرینی ڈاکٹر کی لاش ملی۔ خاتون ڈاکٹر کو زیادتی کے بعد قتل کر دیا گیاتھا۔ اس معاملے میں، سی بی آئی نے سول ورکر سنجے رائے کو گرفتار کیا اور اسے واحد ملزم کے طور پر نامزد کرتے ہوئے چارج شیٹ داخل کی۔ سیالدہ کی عدالت میں 11 نومبر 2024 سے سماعت شروع ہوئی۔ سماعت آج (جمعرات کو) مکمل ہوئی۔ اب کیس کا فیصلہ 18 جنوری کو سنایا جائے گا۔

ہندوستھان سماچار

ہندوستان سماچار / عطاءاللہ