نئی دہلی، 9 جنوری ( ہ س)۔ ریڈی میڈ کپڑے تیار کرنے کا کاروبار کرنے والی کمپنی ڈیوین سنز لمیٹڈ کے شیئروں کی لسٹنگ نے آج کمپنی کے آئی پی او سرمایہ کاروں کو مایوس کر دیا۔ آئی پی او کے تحت، کمپنی کے شیئر55 روپے کی قیمت پر جاری کیے گئے تھے، لیکن آج بی ایس ای کے ایس ایم ای پلیٹ فارم پر اس کی لسٹنگ 20 فیصد کے ڈسکاونٹ کے ساتھ 44 روپے کی سطح پر ہوئی۔ اس طرح شیئر مارکیٹ میں انٹری ہوتے ہی آئی پی او کے سرمایہ کاروں کو 11 روپے یعنی 20 فیصد کی لسٹنگ نقصان کا سامنا کرنا پڑا۔ تاہم، لسٹنگ کے بعد، خریداری کی حمایت کی وجہ سے شیئر کچھ ہی وقت میں 46.20 روپے کے اوپری سرکٹ کی سطح پر پہنچ گیا۔ اس کے باوجود ڈسکاو¿نٹ لسٹنگ کی وجہ سے پہلے دن آئی پی او کے سرمایہ کاروں کو 16.36 فیصد کے نقصان کا سامنا کرنا پڑا۔

ڈیوین سنز لمیٹڈ کا 8.78 کروڑ روپے کا آئی پی او 2 اور 6 جنوری کے درمیان سبسکرپشن کے لیے کھلا تھا۔ خوردہ سرمایہ کاروں کے زبردست ردعمل کی وجہ سے، اس آئی پی او کو مجموعی طور پر 120.8 گنا سبسکرائب کیا گیا۔ اس میں خوردہ سرمایہ کاروں کے لیے ریزرو پورشن میں 164.78 گنا سبسکرپشن تھا۔ آئی پی او کے تحت، کمپنی نے 15.96 لاکھ شیئرز جاری کیے ہیں جن کی قیمت 10 روپے ہے۔ کمپنی آئی پی او کے ذریعے جمع ہونے والی رقم کو اپنے سرمائے کے اخراجات، گودام کی خریداری، ورکنگ کیپیٹل کی ضروریات اور عام کارپوریٹ مقاصد کے لیے استعمال کرے گی۔

ڈیوین سنز مشہور برانڈز کے لیے جینز، شرٹس اور ڈینم جیکٹس جیسے اعلیٰ معیار کے ریڈی میڈ ملبوسات تیار کرتی ہے۔ کمپنی کا 2022-23 میں 56.62 لاکھ روپے کا خالص منافع تھا، جو 2023-24 میں بڑھ کر 1.64 کروڑ روپے ہو گیا۔ اس مدت کے دوران، کمپنی کی آمدنی 242 فیصد کی کمپاو¿نڈ ترقی کی شرح سے بڑھ کر 13.39 کروڑ روپے ہوگئی۔ رواں مالی سال 2024-25 کی پہلی ششماہی کے دوران یعنی اپریل سے ستمبر 2024 تک، کمپنی نے 73.59 لاکھ روپے کا خالص منافع کمایا ہے، جب کہ اسے کل 6.34 کروڑ روپے کی آمدنی ہوئی ہے۔

ہندوستھان سماچار

ہندوستان سماچار / محمد شہزاد