نئی دہلی، 08 جنوری (ہ س)۔

اسٹیٹ بینک آف انڈیا (ایس بی آئی)، ملک کے سب سے بڑے پبلک سیکٹر بینک، نے کہا کہ اس نے رواں مالی سال 2024-25 میں اقتصادی ترقی کی شرح 6.3 فیصد رہنے کی توقع ظاہر کی ہے، جو کہ حکومت کے جاری کردہ 6.4 فیصد کے تخمینہ سے قدرے کم ہے۔

ایس بی آئی نے بدھ کو جاری کردہ ایک تحقیقی رپورٹ میں کہا ہے کہ اقتصادی ترقی کو متاثر کرنے والے کئی چیلنجوں کی وجہ سے موجودہ مالی سال 2024-25 میں جی ڈی پی میں 'نیچے کی طرف جھکاو¿' رہے گا۔ ایس بی آئی کا جی ڈی پی تخمینہ بھی نیشنل سٹیٹسٹیکل آفس (این ایس او) کے حالیہ مالی سال میں 6.4 فیصد نمو کے تخمینہ سے کم ہے، جو چار سال کی کم ترین سطح ہے۔

اس سے ایک دن پہلے، قومی شماریات کے دفتر نے مالی سال 2024-25 میں مجموعی گھریلو مصنوعات (جی ڈی پی) کی شرح نمو چار سال کی کم ترین سطح پر 6.4 فیصد رہنے کا اندازہ لگایا ہے۔ این ایس او کی رپورٹ میں کہا گیا ہے کہ مینوفیکچرنگ سیکٹر کی خراب کارکردگی اور کمزور سرمایہ کاری کی وجہ سے رواں مالی سال میں اقتصادی ترقی کی شرح سست رہے گی۔

ہندوستھان سماچار

ہندوستان سماچار / عطاءاللہ