نئی دہلی، 7 جنوری (ہ س)۔ سابق ومبلڈن فائنلسٹ نک کرگیوس کو اس ماہ کے آخر میں سویڈن کے خلاف ڈیوس کپ ٹائی کے لیے آسٹریلیا ئی ٹیم میں غیر متوقع طور پر شامل کیا گیا ہے۔

29 سالہ کھلاڑی کو کپتان لیٹن ہیوٹ نے عالمی نمبر آٹھ کے ایلکس ڈی منور، اردن تھامسن اور تھاناسی کوکیناکس کے ساتھ31 جنوری اور یکم فروری کو اسٹاک ہوم میں ہونے والے مقابلے کے لیے آسٹریلیائی لائن اپ میں منتخب کیا ہے۔

کرگیوس کو گھٹنے، پاو¿ں اور کلائی کی انجری کے باعث 2022 کے لیے فٹنس کے لیے جدوجہد کرنے کے باوجود منتخب کیا گیا ہے، جب کہ اتوار سے شروع ہونے والے آسٹریلین اوپن میں ان کی شرکت غیر یقینی ہے۔

انہوں نے گزشتہ ہفتے برسبین انٹرنیشنل سے باہر ہونے کے بعد، گرینڈ سلیم ٹینس کے تناو¿ کو سنبھالنے کی اپنی صلاحیت پر شک ظاہر کیا، جس میںانہیں گیووانی ایمپیٹشی پیری کارڈ سے تین سیٹوں میں ہارکا سامنا کرنا پڑا۔گزشتہ منگل کے روز ملی شکست کے بارے میں انہوں نے کہا”میرے خیال میں مجھے تقریباً ایک معجزے کی ضرورت ہے اور مجھے گرینڈ سلیم میں اپنی کلائی برقرار رکھنے کے لیے ستاروں کی صف بندی کی ضرورت ہے“۔

ڈیوس کپ ٹیم میں کرگیوس کی شمولیت سے وہ کوکیناکس کے ساتھ اپنی ڈبلز پارٹنرشپ کو بحال کرتے ہوئے دیکھ سکتے ہیں ، جس کے ساتھ انہوں نے تین سال قبل آسٹریلین اوپن میں مینز ڈبلز خطاب جیتا تھا۔

اس نے آخری بار نومبر 2019 میں ڈیوس کپ کھیلا تھا اور 2022 میں ومبلڈن کے فائنل میں پہنچا تھا، جہاں اسے نوواک جوکووچ سے چار سیٹوں میں شکست ہوئی تھی۔

ہندوستھان سماچار

---------------

ہندوستان سماچار / محمد شہزاد