نئی دہلی، 7 جنوری (ہ س)۔ ایشین فٹ بال کنفیڈریشن (اے ایف سی) ایشیا کپ 2027 7 جنوری سے شروع ہوگا اور 5 فروری کو اختتام پذیر ہوگا۔ اے ایف سی نے منگل کو مذکورہ معلومات دی۔

مزید برآں، براعظمی ٹورنامنٹ کی میزبانی کے لیے پانچ اسٹیڈیموں کی تصدیق کی گئی ہے، جن میں کنگ فہد اسپورٹس سٹی اسٹیڈیم، کنگ سعود یونیورسٹی اسٹیڈیم، امام محمد ابن سعود یونیورسٹی اسٹیڈیم، کنگڈم ایرینا اور الشباب اسٹیڈیم شامل ہیں۔

ہندوستان کے اپنی بولی واپس لینے کے بعد، سعودی عرب کو 2023 میں ایشین کپ کے 2027 ایڈیشن کا میزبان قرار دیا گیا۔گزشتہ ایڈیشن کی میزبانی قطر نے کی تھی۔

سعودی عرب فٹ بال فیڈریشن کے صدر یاسر المسحل نے کہا،”تاریخوں کی تصدیق اور اے ایف سی ایشین کپ سعودی عرب 2027 کے لیے اسٹیڈیم کا انتخاب ٹورنامنٹ کی میزبانی کے لیے ہمارے سفر میں ایک اسٹریٹجک سنگ میل ہے۔“

اس سال مارچ میں شروع ہونے والے کوالیفائر کے تیسرے دور کے ساتھ اٹھارہ ممالک پہلے ہی اپنی جگہیں بک کر لی ہے۔ ہندوستان کو سنگاپور، ہانگ کانگ اور بنگلہ دیش کے ساتھ گروپ سی میں رکھا گیا ہے۔

ہندوستھان سماچار

ہندوستان سماچار / محمد شہزاد