مکیش شرما نے کہا کہ اتم نگر نے مجھے بلایا ہے، میں عوام کی درخواست پر الیکشن لڑ رہا ہوں، اتم نگر کے لوگ میرا الیکشن لڑیں گے

نئی دہلی، 5 جنوری(ہ س)۔

مغربی دہلی کے اتم نگر اسمبلی حلقہ کے بندہ پور مٹیالا روڈ پر آج منعقدہ مہاپنچایت میں موجود ہزاروں لوگوں نے متفقہ طور پر آئندہ اسمبلی انتخابات میں کانگریس کے امیدوار مکیش شرما کی کھلی حمایت کا اعلان کیا اور اس میں ہزاروں لوگوں نے شرکت کی۔ مہاپنچایت میں پنچوں کی جانب سے انہیں چاندی کامکٹ پہنایا گیا۔ معلوم ہوا ہے کہ 22 دسمبر کو موہن گارڈن میں واقع مہاپنچایت میں عوام نے مکیش شرما کو الیکشن لڑانے کا فیصلہ کیا تھا اور مہاپنچایت میں مکیش شرما کو یہ حق بھی دیا گیا تھا کہ وہ جس بھی جھنڈے کے ساتھ الیکشن لڑیں۔ اس کے بعد ہی کانگریس پارٹی نے مکیش شرما کو اتم نگر اسمبلی سے اپنا امیدوار قرار دیا۔آج دوپہر 12 بجے سے ہی مختلف کالونیوں اور علاقوں سے لوگ ڈھول اور پلے کارڈ اٹھائے ہوئے تھے جن پر ”بھائی مکیش کو لانا ہے، ہمیں مہانرک سے نجات پاناہے“، ”اتم نگر کا نعرہ ہے بھائی مکیش ہمارا ہے“۔ میں بھی مکیش-میں بھی مکیش،’مکیش شرما پارٹی کے امیدوار نہیں بلکہ عوام کے امیدوار ہیں‘ وغیرہ لکھا ہوا تھا۔ پرجوش نوجوان مکیش شرما کے ماسک پہنے ہوئے تھے۔ لوگ دور دور تک سینکڑوں گروپوں میں کھڑے ہو کر مہاپنچایت کی کارروائی سن رہے تھے۔ پولیس کا بھاری بندوبست تھا، ہفتہ کی شام تک پولس پر دباو¿ کی وجہ سے مہاپنچایت کے انعقاد کو روکنے کی کوشش کی گئی، لیکن عوامی اتحاد کے دباو¿ میں پولس کو مہاپنچایت کی اجازت دینا پڑی۔

مقامی لوگوں کا کہنا ہے کہ مکیش شرما کا 20 سالہ دور حکومت بے مثال تھا اور 11 سالوں میں اتم نگر اسمبلی حلقہ جہنم میں تبدیل ہو چکا ہے۔ عام لوگوں کا یہ بھی ماننا ہے کہ اب صرف مکیش شرما ہی اس علاقے کو مہا نرک سے نکال سکتے ہیں، اس لیے وہ اس بار مہاپنچایت کے متفقہ امیدوار مکیش شرما کو ہی ووٹ دیں گے، پارٹیوں کو نہیں۔مہاپنچایت میں 36 برادریوں کی موجودگی کے علاوہ بڑی تعداد میں خواتین کی شرکت نے عام آدمی پارٹی کے جھوٹے اعلان کو بے نقاب کردیا۔ اسمبلی حلقہ کے لوگوں یہ معلوم ہے کہ مکیش شرما دہلی اسمبلی کے بہترین ایم ایل اے تھے۔ لوگوں کا کہنا ہے کہ 11 سالوں میں بہترین ایم ایل اے والی بہترین اسمبلی حلقہ کے لوگوں کا سر شرم سے جھک گیا ہے اور صرف مکیش شرما ہی اس اسمبلی کو دوبارہ بہترین بنا سکتے ہیں۔ مہاپنچایت میں منظور کی گئی قرارداد میں عوام نے فیصلہ کیا ہے کہ مکیش شرما کے لیے الیکشن لڑنے کے لیے عوام اپنا پیسہ استعمال کرے گی اور ہر شخص اپنی اپنی گلیوں میں جا کر مکیش شرما کو تاریخی جیت دلانے کے لیے مہم چلائے گا۔ اسٹیج سے نعرے لگائے گئے کہ ایک آدمی 50 ووٹ۔

مہاپنچایت میں موجود ہزاروں لوگوں سے خطاب کرتے ہوئے مکیش شرما نے کہا کہ میرا الیکشن لڑنے کا کوئی ارادہ نہیں تھا لیکن اتم نگر نے مجھے بلایا ہے۔ میں نے اپنی جوانی اور خون پسینہ خرچ کر کے پرانے خستہ حال اسمبلی حلقہ کو ہمہ جہت ترقی دی تھی اور میں زندہ رہتے ہوئے اسے تباہ ہوتے نہیں دیکھ سکتا۔ انہوں نے عہد کیا کہ میں نے اپنی پوری زندگی اتم نگر اسمبلی حلقہ کو جہنم سے نکالنے اور اسے دوارکا کے برابر ترقی دینے کے لیے وقف کر دی ہے۔ انہوں نے گزشتہ 11 سالوں میں بی جے پی اور عام آدمی پارٹی کے عوامی نمائندوں کو چیلنج کرتے ہوئے کہا کہ گزشتہ 10 سالوں سے دہلی میونسپل کارپوریشن میں بی جے پی کی حکومت تھی، چاروں کارپوریشن کونسلر بی جے پی کے تھے، ایم پی 11 سال سے بی جے پی کے ہیں، 2 سال سے بی جے پی کے ایم ایل اے وہ عام آدمی پارٹی سے ہیں اور پچھلے 10 سالوں سے ایم ایل اے ہیں۔

ہندوستھان سماچار

ہندوستان سماچار / Md Owais Owais