بنگلورو/نئی دہلی، 30 جنوری (ہ س)۔ سیلگلیٹی انڈیا لمیٹڈنے براڈ پاتھ ہیلتھ کیئر سلوشنزکا حصول کیا ہے۔ سیگلیٹی انڈیا نے تقریباً 502 کروڑ روپے میں براڈ پاتھ ہیلتھ کیئر سلوشنز کا حصول کیا۔اس معاہدے کو 100فیصد نقد لین دین کے طور پر تشکیل دیا گیا تھا۔ اس حصول کے ساتھ سیلگلیٹی انڈیا لمیٹڈ کا مقصد مڈ مارکیٹ پیمنٹس سیگمنٹ میں ترقی کو تیز کرنا ہے۔

صحت کی دیکھ بھال کے شعبے میں معروف ٹیکنالوجی سے چلنے والے کاروباری آپریشن کے حل اور خدمات فراہم کرنے والے سیلگلیٹی انڈیا نے جمعرات کو جاری کردہ ایک بیان میں کہا کہ براڈ پاتھ ہیلتھ کیئر سلوشنز کے حصول سے کمپنی کے کسٹمر بیس کو وسعت دینے، خدمات کی پیشکشوں کو بڑھانے اور مالیاتی ہم آہنگی بڑھانے کی امید ہے۔ جو مارکیٹ میں اس کی نمایاں پوزیشن کو مضبوط کرے گا۔ براڈ پاتھ ہیلتھ کیئر امریکہ اور فلپائن میں 1,600 سے زیادہ ملازمین کے ساتھ گھر سے کام کرنے کی سہولت فراہم کرتی ہے۔ اس کے سروس پورٹ فولیو میں ممبر کی مصروفیت، ممبر کا حصول، دعوے اور اپیلوں کی انتظامیہ، فراہم کنندہ کا اندراج اور اسناد شامل ہیں۔

کمپنی نے کہا کہ براڈ پاتھ ہیلتھ کیئر کا حصول سیلگلیٹی انڈیا کی مارکیٹ میں موجودگی کو نمایاں طور پر بڑھاتا ہے، جو 30 سے زیادہ نئے صارفین کی وابستگی کرتا ہے ۔ یہ امریکہ میں صحت کے دس بڑے منصوبوں میں سیگلٹی کی پوزیشن کو مزید مستحکم کرتا ہے۔اس کے علاوہ اس حصول سے سیلگلیٹی کو مڈل مارکیٹ کے متعدد صارفین، بشمول ادائیگی کرنے والے، فریق ثالث کے منتظمین، فارمیسی بینیفٹ مینیجرز، اور فراہم کنندگان کو اپنی جامع خدمات کی پیشکش فروخت کرنے کا موقع فراہم کرتا ہے۔

سیلگلیٹی انڈیا لمیٹڈ کے شیئر میں کاروبار کے دوران آج 5 فیصد کا اپر سرکٹ لگا۔ کمپنی کا شیئر 2.27 روپے یعنی 4.99 فیصد بڑھ کر 47.73 روپے کی سطح پر پہنچ گیا۔ کمپنی کے شیئر میں یہ تیزی براڈ پاتھ ہیلتھ کیئر سلوشنز کے حصول کے اعلان کے بعدنظر آ رہی ہے۔ براڈ پاتھ ایک امریکی ہیلتھ کیئر سروس فراہم کرنے والی کمپنی ہے جس کا صدر دفتر امریکہ کے ٹکسن، ایریزونا میں واقع ہے۔

ہندوستھان سماچار

ہندوستان سماچار / محمد شہزاد