مشرقی چمپارن، 30 جنوری (ہ س)۔ پریاگ راج کمبھ میلے سے واپس آرہی ایک کار پورانچل ایکسپریس وے کے لنک ایکسپریس وے پر گورکھ پور ضلع کے سیکری گڑھ کے قریب ڈمپر کی زد میں آگئی ، جس میں تین افراد کی موقع پر ہی موت ہو گئی، جبکہ ایک نوجوان شدید زخمی ہو گیا۔

مرنے والوں کی شناخت پہاڑ پور تھانہ علاقہ کے سٹہاں کچہری ٹولہ کے رہنے والے گوپال یادو اور اس کی بیوی سونا دیوی اور تیج پوروا پنچایت کے وارڈ 4 اہیرولیا کے رہنے والے اروند کمارولد مہندر بھگت کے طور پر ہوئی ہے۔ زخمی نوجوان ارون یادو متوفی گوپال یادو کا بیٹا ہے جو زیر علاج ہے۔ بتایا جاتا ہے کہ بدھ کو 6 لوگ گوپال یادو کی ویگن آر کار میں کمبھ اسنان کرنے گئے تھے اور واپسی کے دوران یہ حادثہ پیش آیا۔

متوفی اروند کمار کے اہل خانہ نے روتے ہوئے کہا کہ وہ تین بھائیوں میں سب سے چھوٹا تھا۔ اس کی ایک 3 سال کی بیٹی ہے۔ مقامی لوگوں نے بتایا کہ سیکری گنج تھانے سے اطلاع ملنے کے بعد گھر والے گورکھپور پہنچ گئے ہیں،جہاں گورکھپور کے ضلع اسپتال میں پوسٹ مارٹم کا عمل جاری ہے۔ پوسٹ مارٹم کے بعد لاش گھر پہنچ جائے گی۔

ہندوستھان سماچار

ہندوستان سماچار / محمد شہزاد