نئی دہلی، 15 جنوری (ہ س)۔

کانگریس کے رہنما اور لوک سبھا میں قائد حزب اختلاف راہل گاندھی بھارتی ریاست کے حوالے سے دیے گئے بیان پر گھرے نظر آ رہے ہیں۔ اس بیان پر بی جے پی حملہ آور ہے۔ بدھ کو بی جے پی صدر جے پی نڈا نے حملہ کرتے ہوئے کہا کہ راہل گاندھی کا بیان ملک کو توڑنے والا ہے۔

مرکزی وزیر جے پی نڈا نے ٹویٹ کیا کہ اب کانگریس کی گھناو¿نی سچائی اس کے اپنے لیڈر نے بے نقاب کر دی ہے۔ میں راہل گاندھی کی تعریف کرتا ہوں کہ انہوں نے واضح طور پر یہ کہا جوملک جانتا ہے – کہ وہ بھارتی ریاست سے لڑ رہے ہیں۔ یہ کوئی راز نہیں ہے کہ راہل گاندھی اور ان کے نظام کے شہری نکسلائٹس اور ڈیپ اسٹیٹ کے ساتھ قریبی تعلقات ہیں، جو ہندوستان کو بدنام اور رسوا کرنا چاہتے ہیں۔ ان کے بار بار کیے جانے والے اقدامات سے بھی اس یقین کو تقویت ملی ہے۔ انہوں نے جو کچھ کیا یا کہا وہ ہندوستان کو توڑنے اور ہمارے معاشرے کو تقسیم کرنے والا ہے۔

قابل ذکر ہے کہ لوک سبھا میں اپوزیشن لیڈر اور رائے بریلی کے رکن پارلیمنٹ راہل گاندھی نے کانگریس کے نئے ہیڈکوارٹر اندرا بھون میں پارٹی لیڈروں سے خطاب کرتے ہوئے ایک متنازعہ بیان دیا تھا۔ راہل گاندھی نے بدھ کے روز بی جے پی اور آر ایس ایس کو نشانہ بناتے ہوئے 'انڈین اسٹیٹ ' کے بارے میں متنازعہ تبصرہ کیا۔ انہوں نے کہا کہ ہماری لڑائی صرف بی جے پی اور آر ایس ایس سے نہیں بلکہ انڈین اسٹیٹ سے بھی ہے۔

ہندوستھان سماچار

ہندوستان سماچار / عطاءاللہ